PD: Institucionet e Ramës në këmbë, për të bërë lekë për Sadriun/ I dhanë 12 miliardë në një vit

28 Gusht 2016, 13:22, Aktualitet CNA

Partia Demokratike nëpërmjet zëdhënëses Ina Zhupa ka dencuar të gjithë institucionet në varësi të qeverisë së kjanë të angazhuara për të bërë para për Sadri Abazin.

?Ka një angazhim total të institucioneve, ministrive e bashkive të Edi Ramës për të dhënë miliona për Sadriun. 12 miliardë lekë ka marrë për një vit, një shumë që do të mjaftonte si pagesë papunësie për 15 mijë familje në Dibër?, thuhet në deklaratën e zëdhënëses së PD-së.

Në këtë linjë ajo rendit institucionet dhe vlerat e dorovitjes sipas PD.

?Ja disa nga dorovitjet, për një vit;

OSHE, 940 milionë lekë për Sadriun

Ministria e Mirëqënies, 440 milionë lekë

Drejtoria e rrugëve, 562 milionë lekë

Bashkia Kavajë, 1 miliardë e 390 milionë lekë

Bashkia Patos, 120 milionë lekë

Bashkia Peqin, 180 milionë lekë

Bashkia Pukë, 230 milionë lekë

Bashkia Librazhd, 84 milionë lekë

Bashkia Librazhd, 480 milionë lekë

Bashkia Tiranë, 1 miliardë e 840 milionë lekë

Bashkia Dibër, 870 milionë lekë

Bashkia Dibër sërish, 1 miliardë e 720 milionë lekë

Sërish Bashkia Dibër, 780 milionë lekë?, thuhet në deklaratë.

Zhupa gjatë deklaratës theksoi: ?Në të gjitha rastet, oligarku i Ramës paraqitet me ofertën më të lartë. Merr gjithë fondin e vënë në dispozicion. Nuk ka garë, kushdo që paraqitet përballë tij skualifikohet. Shumë prej tyre Sadriu i kap si operator i vetëm. Vetëm në Dibër për një vit Sadriu ka marrë 3 miliardë lekë, pra ka marrë të gjithë buxhetin e Bashkisë?.

Partia Demokratike denoncon këtë akt si vjedhje, por më e rëndë është gjendja sipas saj kur ky person shkon të blejë votën e zgjedhësve.

?Merr paratë e dibranëve, dhe shkon sot atje për tu marrë dhe votën, për ta blerë atë ku të mundet sepse ai është i përbuzur nga cdo dibran. Kjo është fatura e korrupsionit e Edi Ramës me Sadriun e tij vetëm për një vit. Se kjo është skema e tij; pasuritë dhe paratë e shqiptarëve për vete, ndërsa për popullin, burgun, varfërinë dhe emigracionin. Ky sundim oligarkësh do të bjerë shumë shpejt. Dibra do të clirohet e para me 11 shtator, e më pas gjithë vendi. Shqipëria do të jetë më mirë pa hajdutët e Ramës. Shqipëria do të jetë më mirë pa Edi Ramën?, thuhet në deklaratën e Partisë Demokratike. /Citynews.al