web counter
LEXO PA REKLAMA!

SHKARKO APP

App Store
Google Play

E fundit!

x

Sot, Veliaj po vjedh edhe ujin e pijshëm/Nga Leonard Olli

26 Gusht 2016, 10:03, Aktualitet CNA

Guximi për të vjedhur e kuraja për të mashtruar janë cilësi dhe praktika pune të Veliajt. Skandalet dhe aferat korruptive pasojnë njëra tjetrën, ndërkohë që ajo e landfillit të Sharrës i mori jetën tragjikisht 17-vjeçarit Gjoklaj. Por, këto ditë, Veliaj ka bërë të qartë dhe aferën më korruptive, nismën për privatizimin e ujësjellësit. Është e qartë, si gjithmonë, se pas kësaj iniciative është Rama dhe klientët e tij, por bedeli Veliaj nuk guxon të thotë jo, duke kundërshtuar keq vetveten.

Pak kohë më parë, ai pretendoi se ndërmarrja e ujësjellësit ka kapërcyer deficitet financiare dhe tashmë është krejtësisht fitimprurëse, edhe pse ajo ashtu ka qene edhe më parë. Me të drejtë kushdo shtron pyetjen: Pse duhet shitur një ndërmarrje fitimprurëse? Një aset i tillë jo vetëm që nuk e rëndon buxhetin e bashkisë, por përkundrazi vetëm i jep fitime. Atëherë përse duhet privatizuar? Gjatë një vitit qeverisje Veliaj ka guxuar shumë në makutërinë e tij për grabitjen e aseteve publike: Krijoi ?Tirana Parking? dhe zgjeroi maksimalisht rrugët që do të kalojnë me sistem pagese, duke lënë ta hapur mundësinë e partneritetit publik privat, thënë ndryshe privatizimin e plotë dhe nxjerrjen jashtë loje të Bashkisë nga ky aktivitet vetëm fitimprurës, me investime minimaliste.

Pasuroi dhe konsolidoi astetet e transportit publik, duke futur duart thellë në xhepat e qytetarëve e duke krijuar situata monopol në këtë sektor. Vijoi me aprovimin në mungesë të plotë transparencës të “Eco Tirana”, ku klientë të pushtetit do të përfitojnë pa asnjë garë të ardhura krejtësisht të sigurta nga pastrimi publik i Tiranës dhe monopoli që ajo ka në menaxhimin e mbetjeve urbane. Veliaj si gjithmonë ka ?garanatuar? se Bashkia do të këtë paketat kontrolluese të aksioneve, por njëkohësisht kjo është edhe prova më e qartë se shumë shpejt këto asete nuk do të jenë më pronë publike, por dhurata për klientët dhe mafien e pushtetit.

Uji i pijshëm, sistemi furnizimit me energji janë asete publike kombëtare dhe si të tilla nuk privatizohen krejtësisht. Mund të privatizohen pjesë të sistemeve, të cilat sektori privat mund ti menaxhojë më me efikasitet, por çdo veprim tjetër është grabitje e pasurisë publike. Por në rastin Veliaj, ky akt i paprecedent është edhe më kompromentues për të. Ndërsa prej kohësh u fryn fanfarave boleshevike për shtetëzime, krijim të ndërmarrjeve publike që do të konkurronin denjësisht privatin, si në atë të transportit publik apo pastrimit të Tiranës, sot, papritmas, vendos të privatizojë plotësisht UKT, një ndërmarrje totalisht rentabël dhe me një aset monopol: ujin e pijshëm.

Ky është krimi i radhës publik që po konsumon dyshja Veliaj-Rama para ikjes me turp nga qeverisja. Sot, shqiptarëve u vodhën edhe ujin e pijshëm dhe pronarët e rinj Rama-Veliaj do ua shesin kur dhe me sa të duan ata. Ky akt shënon rënien e Republikës dhe ngritjen e Monarkisë së Fiqve. Por, duket qartë se i kanë bërë ?hesapet pa hanxhinë?. Makutëria e tyre do të shpërblehet me një vizitë të gjatë te ?7 penxheret? e Gjirokastrës.





Lajmet e fundit nga