web counter
LEXO PA REKLAMA!

SHKARKO APP

App Store
Google Play

Ekskluzive/Anija “Guler” përplaset para mbërritjes në Durrës

24 Gusht 2016, 14:49, Aktualitet CNA

Anija ?Guler? me tonazh 2421 DWT me flamur të Ishujve Vanuatu ndërsa po lundronte për në Portin e Durrësit pësoi një aksident detar. Anija ishte nisur nga Porti Zonguldak në Detin e Zi për në Durrës me një ngarkesë mallrash gjenerale (general cargo).  ?Guler? në zonën e Ngushticës së Bosforit në Provincën e Canak Kalasë u përplas me anijen ?Piri Reis? me tonazh 28 515 ton DWT me flamur panamez, me destinacion: Libi. Nga përplasja nuk pati viktima, por anijet pësuan dëme materiale, dhe carje në bord.  Asnjë nga anijet nuk rrezikon të mbytet, pavarësisht se për shkak të carjes ka hyrë uji në bordin e anijeve.

Autoritet detare turke pasi dhanë ndihmën e nevojshme me rimorkiator i urdhëruan të dyja anijet të qëndrojnë në spirancë në radën e Erenkoy-t për të kryer riparimet e nevojshme, gjithashtu në pritje të rezultateve të ekspertizës së kapitanerisë për shkaqet e aksidentit. Nga burime pranë Kapitanerisë së përgjithshme të porteve të Turqisë mësojmë se anijet, që po lundronin me drejtim nga jugu, u përplasën me shumë gjasa për shkak të shkeljes së rregullave të ?ColReg?, që rregullojnë për mbarëvajtjen e lundrimit në Ngushticën e Bosforit. Anija ?Guler? me tonazh shumëfish më të vogel se ?Piri Reis? dhe më e vjetër (anije 37 vjecare) pësoi dëme më të mëdha me carje në bordin e djathtë./ GJERGJ THANASI





Lajmet e fundit nga