Ekskluzive-Fiks Fare me ndryshime/ Gjithçka në shërbim të publikut

24 Gusht 2016, 13:01, Aktualitet CNA

Emisioni investigativ Fiks Fare po pëson disa ndryshime në funksion të misionit që ai ka, për të qenë zëri i problemeve dhe halleve të qytetarëve.

Citynews disa ditë më parë raportoi se Fiks Fare do pësonte ndryshime që fillonin nga moderatorët dhe elementë të tjerë të emisionit (lexo ketu http://www.citynews.al/2016/08/sezoni-i-ricfare-pritet-te-ndryshoje-ne-fiks-fare/1) Pas këtij lajmi disa portale filluan aludimet, shkrimet dhe fantazitë e tyre pa fund.

Citynews u interesua pranë redaksisë të emisionit dhe mësoi se Fiksi do vijë më energjik dhe ndyshimet që ka pësuar janë kryer për të cuar në një nivel edhe më të lartë këtë emision kaq të dashur për shqiptarët.

Mësohet se ka pasur një garë për moderatorët, ndryshime thelbësore në skenografi, zgjerim i stafit të gazetarëve, kamerat e fshehta janë perfeksionuar dhe gjithçka është gati për të startuar ditët e para të shtatorit.

?Fiksi ka zhvilluar një audiencë për moderatorë. Janë disa raste, edhe gjatë kohës kur ky emision drejtohej nga Saimir dhe Doktori dhe më pas ka pasur çifte të ndryshme që provonin të prezantonin emisionin. Ishin 20 vetë në këtë ?garë? konkurim që tregonte edhe vëeshtirësinë e madhe në përzgjedhje ?, tha për citynews.al një nga drejtuesit e Fiks Fare.

Më tej mësuam se në garë kanë qenë jo pak por plot 10 çifte moderatorësh, midis te cileve aktorë të njohur të humorit dhe gazetarë , të cilët provuan disa herë prezantimin e emisionit, drejtuesit e Fiksit dhe Top Channel vendosën që prezantimi në sezonin e ri të bëhej nga dy moderatorë të rinj. Pjesë e kësaj audiencë ka qenë edhe Fiori me Doktorin, por fitues kanë dalë Devis Muka dhe Dorian Ramaliu, të cilët do jënë drejtuesit e rinj të emisionit. Shumë emisione të ngjashëm si Fiksi në europë shpesh përdorin ndryshimin e moderatorëve, për ti dhënë energji të reja ekranit.
Fiksi këtë sezon pritet të jetë jo vetëm me drejtues të rinj. Skenografia e emisionit pritet të jetë edhe më magjike. Një skenë e re dhe një investim i madh nga Top Channel për emisionin investigativ më të ndjekur në ekranet shqiptare.

Nga ana tjetër është zgjeruar edhe stafi i bashkëpunëtorëve dhe gazetarëve. Tani Alisës, Fonit, Adit Rudina Demnerit (Paloma) etj..do ti bashkohen të tjerë kolegë në misionin e tyre për të denoncuar dhe publikuar padrejtësitë që ju bëhen qytetarëve nga administrata, institucionet dhe zyrtarët e shtetit.

Velianat e Fiksit do jenë Anisa dhe Briseda, dy bukuroshet të cilat sezonin e kaluar ishin pjesë e emisionit vetëm ditën e premte, tani ato do jenë pjesë e përditshme e emisionit.

Surpriza të reja dhe si gjithmonë temat investigave, kamerat e fshehta dhe denoncimet të cilat janë edhe thelbi I këtij emisioni do vijnë vetëm pas pak ditësh në ekranin e Top Channel./citynews