web counter
LEXO PA REKLAMA!

SHKARKO APP

App Store
Google Play

Ushtria pastron bregdetin/ Në 2 javë u hoqën 500 metër kub mbeturina

21 Gusht 2016, 16:10, Aktualitet CNA

Plazhet e jugut nga Vlora deri në Butrint janë pastruar nga Forcat e Armatosura, të cilat përgjatë dy javëve, megjithëse në fund të sezonit, larguan 500 metër kub mbeturina dhe 160 ton inerte.

Sipas ministrisë së Mbrojtjes, aksioni përfshiu akset rrugore pranë plazheve dhe 220 km vijë bregdetare.

Zëvëndësministri i Mbrojtjes, Petro Koçi i bëri apel pushtetit vendor që të vazhdojë punën e nisur nga Forcat e Armatosura.

“Përfundoi me sukses aksioni ?bluzat e bardha? që FA me 2 mijë trupa ndërmorën për pastrimin e bregdetit dhe akseve rrugore të bregdetit. Unë mendoj se kemi të bëjmë edhe me një investim kulturor. Është një element shumë i rëndësishëm për të patur një turizëm të suksesshëm për të patur një Shqipëri të pastër, për të patur një bregdet tërheqës. I bëj thirrje pushtetit vendor që të vazhdojë bashkëpunimin dhe të strukturojë instrumenta aktivë për pastrimin e përhershëm të akseve rrugore të bregdetit”, tha Koci.

Në aksion u angazhuan mbi dy mijë trupa të Forcave të Armatosura me rreth 210 mjete. /citynews/





Lajmet e fundit nga