web counter
LEXO PA REKLAMA!

SHKARKO APP

App Store
Google Play

Presioni ndaj mësuesve, Drejtori i Arsimit të Dibrës nxjerr variantin e ri/ Basha më ka intimiduar përmes telefonit

21 Gusht 2016, 15:20, Aktualitet CNA

Tonet e fushatës për zgjedhjet e 11 Shtatorit për postin e Kryebashkiakut të Dibrës duket se janë ashpërsuar. Pas deklaratës së PD-së që akuzonte për presione ndaj mësuesve me qëllim votimin në zgjedhje të kandidatit të mazhorancës, Muharrem Rama, ka reaguar Ministria e Arsimit, që e konsideroi akuzën një shpifje.

Por, Drejtori i Arsimit në Dibër, Drini Gjeci, del me një variant të ri. Ai pretendon se është vendosur nën presion nga kreu demokrat Lulzim Basha, presion që e ka ushtruar përmes telefonit.

?Gjatë ditëve të fundit kam marrë një telefonatë nga kryetari i PD  Lulzim Basha përmes të cilës është tentuar që të më intimidojnë në kryerjen e detyrës sime si drejtues i Drejtorisë Arsimore të Dibrës?, deklaroi Gjeçi.

Ai ka garantuar se do të respektojë pikë për pikë çdo detyrim ligjor në aktivitetin e institucionit që drejton. ”Nuk do të pranoj në asnjë rast ndërhyrjet dhe as presionet politike që synojnë të përbaltin institucionet” është shprehur Gjeçi.

Drejtori i Arsimit në Dibër nuk dha sqarime sepse është telefonuar nga Basha, pasi telefonata mund të ketë ardhur si pasojë e presionit që mund të ushtrohet ndaj mësuesve në Dibër, për të mbështetur kandidatin e PS-së në zgjedhjet e 11 Shtatorit. /citynews/

 





Lajmet e fundit nga