Zgjedhjet në Dibër, Basha akuza Ramës/Morri në mbrojtje një horr, je përgjegjës për skemën e dhunimit të votës

21 Gusht 2016, 16:06, Aktualitet CNA

Kryetari i Partisë Demokratike Lulzim Basha akuzoi Kryeministrin Edi Rama se ka marrë në mbrojtje horrin që sot menaxhon arsimin në Dibër. Reagimi i Bashës erdhi, pasi ministrja e Arsimit Lindita Nikolla, i konsideroi si shpifje akuzat e PD-së, sipas të cilës arsimtarët në Dibër janë kërcënuar me largim nga puna, nëse nuk votojnë kandidatin socialist për Kryebashkiak, Muharrem Rama. Basha theksoi se Rama me qëndrimin e mbajtur tregon se qëndron vetë pas skemës së dhunimit të votës dhe përdorimin e pushtetit për të grabitur votën e lirë.

Deklarata e plotë e Kryetarit të PD-së, Lulzim Basha

Në vend që të verifikonte e të mbante qëndrim për krimin skandaloz të Drini Gjecit që ju valëvit mësuesve njoftimin e largimit nga puna, nëse nuk votojnë kandidatin e qeverisë në zgjedhjet e 11 shtatorit, Edi Rama mori sot në mbrojtje horrin e tij që menaxhon arsimin në Dibër.

Me këtë akt, ai konfirmoi publikisht se qendron vete pas kesaj skeme te dhunimit te votes, te perdorimit te pushtetit per te grabitur vullnetin e lire, duke luajtur me buken e arsimtareve dhe femijeve te tyre.

Rama e legalizoi kete krim permes Luizes se tij te arsimit e cila prej 3 vitesh i ka kthyer drejtorite arsimore ne qendra korrupsioni ku paguhen mijera euro per nje vend pune dhe ne motele ku trafikohen mesueset e reja per kenaqesine e pushtave te rilindjes.

Shantazhi qe u behet mesuesve te Dibres do te marre pergjigjen e merituar. Kercenimet e horrave te Rames nuk do ta zhbejne dot vullnetin e dibraneve. i bej thirrje Prokurorise te nise menjehere hetimin per krimin zgjedhor te kercenimit per voten.

Ju bej thirrje arsimtareve dhe te gjithe te punesuarve te tjere ne Bashkine e Dibres te mos bien pre e presioneve dhe kercenimeve dhe i siguroj se cdo zuzar qe guxon ti shantazhoje do te perballet me ligjin.

Ndersa Edi Rama dhe shpura e horrave qe ka dislokuar ne Diber per te trembur dhe dhunuar dibranet duhet ta dijne se po luajne me zjarrin.

Zemerata e sovranit te dhunuar, vjedhur dhe poshteruar do te perveloje cdo rryshfet, cdo kercenim, cdo bandit e mercenar bashke me shefin e tyre. /citynews/