web counter
LEXO PA REKLAMA!

SHKARKO APP

App Store
Google Play

E fundit!

x

Konfliktet e pronave çështjet më të ankuara në gjykatën administrative

19 Gusht 2016, 06:53, Aktualitet CNA

Volumi i punës në Gjykatën Administrative është më i ulët këtë vit krahasuar me vitin e kaluar, po në çështjet e regjistruara ka një rritje të çështjeve me problematikë konfliktet e pronësisë.

Të dhënat zyrtare tregojnë se nga janari dhe deri në korrik të këtij viti janë regjistruar në total 3.614 çështje ndërkohë që një vit më parë për të njëjtën periudhë kishim 5.063 çështje të regjistruara, pra duket një numër i vogël në krahasim me të njëjtën periudhë të vitit që lamë pas. Nga ana tjetër lista e çështjeve në gjykim një vit më parë për janar-korrik ishte 671 çështje kurse për këtë vit lista e çështjeve në gjykim për të njëjtën periudhë është dukshëm më e vogël vetëm 187. Gjithsesi, pavarësisht kësaj situate dhe problemit të vazhdueshëm që ka ngritur Gjykata Administrative për burimet e pakta njerëzore në dispozicion dhe për volumin e madh të punës numri i vendimeve të dhëna ka qenë i konsiderueshëm, por më i ulët se një vit me parë.

Rezulton gjithashtu se në shtatë muajt e parë të vitit 2016 janë dhënë 2.650 vendime kurse një vit më parë për të njëjtën periudhë vendimet e dhëna të regjistruara janë 3035. Çështjet për të cilat dosjet përfundojnë në këtë gjykatë janë të natyrave të ndryshme, por kryesisht dominojnë ato për pronat, për pensionet, largimet e padrejta nga puna si dhe përplasjet me doganat dhe tatimet. /Citynews.al

 





Lajmet e fundit nga