web counter
LEXO PA REKLAMA!

SHKARKO APP

App Store
Google Play

E fundit!

x

Mustafa në një linjë me Thaçin: Po kujdesem të sigurohen 80 vota për demarkacionin

19 Gusht 2016, 06:12, Aktualitet CNA

Kryeministri i Kosovës Isa Mustafa ka shprehur qëndrimin e tij në një linjë me Presidentin e Kosovës Hashim Thacci lidhur me demarkacionin. Pas mesazhit të Presidentit Thaçi drejtuar qytetarëve e deputetëve për të votuar demarkacionin, kryeministri Mustafa në Facebook ka shkruar se shpreson se do të ketë unitet për votimin e Marrëveshjes kufitare me Malin e Zi.

Ai ka thënë se lidhur me këtë çështje po vazhdojnë sqarimet në LDK.

Mustafa ka shkruar:

Të dashur miq, Qeveria që unë drejtoj është e përcaktuar ta çoj përpara agjendën zhvillimore dhe integruese të Kosovës.

Ne kemi program, të cilin po e zbatojmë, pavarësisht problemeve të trashëguara dhe sfidave e pengesave me të cilat po ballafaqohemi. Por, ne jemi këmbëngulës për arritjen e qëllimeve, të cilat jemi të bindur se janë në interes të Kosovës dhe qytetarëve të saj.

Qeveria që unë drejtoj gëzon mbështetjen e një shumice solide në Kuvendin e Kosovës. Por, si kryeministër dhe si njëri prej partnerëve kryesor të koalicionit, për tema të ndjeshme, nuk preferoj asnjëherë të testojë fuqinë e votave.

Unë po kujdesem vazhdimisht dhe sinqerisht për t’u siguruar që Marrëveshja për kufirin me Malin e Zi do të mbështetet nga mbi 80 deputetë.

Në LDK është duke u sqaruar gjithçka rreth kësaj çështjeje dhe jam optimist se do të jemi unik në mbështetjen e ratifikimit të marrëveshjes. Jam optimist se edhe partnerët e koalicionit po bëjnë të njëjtën gjë me deputetët e tyre. /Citynews.al

 





Lajmet e fundit nga