web counter
LEXO PA REKLAMA!

SHKARKO APP

App Store
Google Play

E fundit!

x

Perplasjet PS-LSI ne qeveri/Opozita mund te perdore mocionin e mosbesimit

12 Gusht 2016, 07:20, Aktualitet CNA

Partia Demokratike duket e vendosur në synimin e saj për të shkuar në zgjedhje me qeveri teknike. Por lëvizjet e opozitës duket se do të jenë një test force dhe i koalicionit PS-LSI pasi këto dy parti e kanë në dorë nëse do ketë qeveri të tillë, apo vendi do shkojë në zgjedhje me këtë kabinet që kemi. Demokratët kanë hedhur si alternativë idenë e gjetjes së konsensusit mes palëve, por dhe mbajtjen e protestave masive.

Por duket se opozita ka dhe një tjetër plan, është ai i mocionit të mosbesimit. Ishte kreu i PR, Fatmir Mediu, ai i cili të martën përmendi shembullin e Malit të Zi, ku dhe aty opozita çoi një mocion për rrëzimin e qeverisë. Por duket se kjo gjë nuk mbetet vetëm në gojën e Mediut, pasi sipas burimeve te gazetes SOT, mocioni i mosbesimit është një armë që mund të përdoret nga demokratët nëse ata marrin mbështetjen e LSI. Sipas informacioneve, në momentin që PD do shohë se marrëdhëniet PS-LSI nuk janë si duhet, atëherë nuk e përjashton mundësinë që të fusë mocion në Kuvend dhe në këtë mënyrë nëse LSI e voton, qeveria mund të bjerë.

Një gjë e tillë do sillte nga ana tjetër dhe ndarjen e koalicionit qeverisës. Pak ditë më parë gazeta publikoi deklaratat e një sërë deputetëve të PD që shpreheshin se do pranonin çdo lloj mënyrë që rrëzon qeverinë, madje duke thënë se edhe nëse LSI çon mocion mosbesimi ata do e votonin. Por duke qenë se LSI tani është shprehur se nuk ka pse ta bëjë një gjë të tillë, demokratët kanë shpresë te disa deputetë të lëkundur si te LSI, ashtu dhe te PS. Lulzim Basha e ka deklaruar se do përdoren të gjitha mënyrat që në zgjedhje të mos shkohet me Ramën kryeministër, teksa me sesionin e ri parlamentar mbete të shihet e çfarë do të ndodhë.





Lajmet e fundit nga