E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skenaret e Rames per largimin e Metes

12 Gusht 2016, 07:17, Aktualitet CNA

Kryeministri, Edi Rama intensifikon lëvizjet për të siguruar 71 vota në Kuvend. Koalicioni qeverisës PS-LSI vijon të jetë në krizë dhe Rama i trembet ende rrëzimit të qeverisë. Para reformës në drejtësi, kreu i Kuvendit, Ilir Meta paralajmëroi qeveri teknike dhe zgjedhje të parakohshme, teksa kjo bëri që Rama të nisë lëvizjet për të siguruar 71 vota në parlament për të shmangur çdo lloj plani kundër tij. Por teksa ditët e fundit është dukur se marrëdhëniet PS-LSI janë qetësuar, mësohet se kryeministri ka intensifikuar lëvizjet për të garantuar mazhorancën dhe larguar Ilir Metën. Sipas informacioneve, ai është duke punuar me dy plane: plani A dhe plani B. Nga njëra anë vijon negociatat me LSI, teksa nga krahu tjetër po punon me PDIU dhe opozitën që të sigurojë mbi 71 vota në Kuvend. Sa i takon kësaj të fundit, i cilësuar si plani A, mësohet se ai ka nisur t?u bëjë oferta të majme aleatëve të tij të PDIU, duke u premtua ministri dhe drejtori. Nga ana tjetër, poste u janë ofruar dhe disa deputetëve të lëkundur të PS, por dhe deputetëve të PD. Ashtu siç u tentuan që të bliheshin deputetët e opozitës për reformën në drejtësi, duket se sërish po vijohet me këtë tentativë, por këtë herë duke u ofruar poste të rëndësishme. Sipas informacioneve, Rama ka vendosur madje që t?ua ofrojë atyre që do e mbështesin dhe Drejtorinë e Tatimeve dhe atë të Doganave. Gjatë ditëve në vijim dy drejtoreshat e tyre do largohen dhe nuk përjashtohen mundësitë që këto drejtori t?i marrin çamët e PDIU.

Rama, oferta për LSI

Kryeministri Edi Rama është duke ecur me plan të detajuar për të shmangur rrëzimin e qeverisë. Teksa ka nisur lëvizjet për të joshur PDIU dhe shumë deputetë të opozitës, mësohet se ai ka vënë në zbatim planin B, që është rinegocimi i koalicionit me LSI. Rama i trembet faktit se tratativat me PDIU dhe deputetë të tjerë mund të dështojnë dhe për këtë arsye ka një plan B, ku është i gatshëm të largojë një sërë ministrash të kërkuar nga LSI. Dihet se LSI në disa raste ka shfaqur kritika për ministra të caktuar, por sipas burimeve, Rama ka deklaruar se është i gatshëm t?i ndryshojë ata dhe madje LSI t?i ofrohen ministri të tjera. Emrat që përfliten se mund të largohen janë: ministri i Shëndetësisë, Ilir Beqaj; ministri i Brendshëm, Saimir Tahiri; ministri i Energjisë, Damian Gjiknuri; ministri i Financave, Arben Ahmetaj dhe ai i Jashtëm, Ditmir Bushati. Sipas informacioneve, Rama ka treguar gatishmëri për t?i ndryshuar ata. Negociatat mes palëve vijojnë dhe sfida e parë do jenë zgjedhjet e Dibrës, ku do shihet se çfarë do të ndodhë. Por në shtator duket se do ketë zhvillime shumë të mëdha. Për t?i paraprirë çdo të papriture, Rama po punon me dy plane paralele, PDIU dhe disa deputetë t?i ketë në gatishmëri, teksa dhe koalicionin me LSI ta vijojë, pasi vetëm në këtë mënyrë mund të fitohen zgjedhjet e ardhshme. /SOT