Kujdes nëse jeni të tillë/ Kategoritë e njerëzve që sulmohen nga fantazmat

7 Gusht 2016, 12:54, Aktualitet CNA

Çdo kush është viktimë potenciale e fantazmave, megjithatë nëse bëni pjesë në ndonjërin prej grupeve të mëposhtme jeni më të rrezikuar.

Fenomeni i pushtimit nga fantazmat dhe djajtë është aq i përhapur sa nuk mund të injorohet. Kjo pasi shumë njerëz pretendojnë, që janë pushtuar nga djajtë, sulmuar nga fantazmat ose të paktën kanë dëgjuar për dikë, që ka qenë viktimë e fenomeneve të tilla.

Pse fantazmat i sulmojnë njerëzit?

1. Njëra nga arsyet kryesore pse një njeri mund të sulmohet nga një fantazmë është për shkak të një problemi të pazgjidhur mes fantazmës dhe atij personi. Nëse fantazma është e pakënaqur me personin, ai mund të bjerë preh e hakmarrjes.

2. Një tjetër arsye është kur fantazma mundohet që t’i përmbushë dëshirat e veta, nëpërmjet trupit të njeriut. Në rastet e tilla, zakonisht sulmohen njerëzit, të cilët kanë dëshira e tipare të ngjashme me fantazmat, pasi në këtë mënyrë ato mund të përmbushen më lehtë.

3. Nëse një person e ofendon, me ose pa qëllim, fantazmën. Për shembull, urinimi në një pemë, në të cilën qëndron fantazma.

4. Nëse një person viziton një vend të pushtuar nga fantazmat, ai/ajo rrezikon që të pushtohet nga to.

Kush i ka shanset më të mëdha që të bjerë viktimë e sulmit nga fantazmat?

Fantazmat e kanë më të lehtë t’i pushtojnë ose sulmojnë këto grupe njerëzish:

Njerëzit me sëmundje fizike- Sëmundjet fizike ndikojnë në dobësimin e trupit të njeriut dhe si rrjedhojë krijohen kushtet për një sulm potencial nga fantazmat. Trupi i njeriut, në rast të sëmundjes, përjeton ngritje në nivelin e komponentit të njohur si Tama, ndërsa komponenti i njohur si Satva pëson rënie. Është pikërisht dominimi i Satvës ai që siguron mbrojtje nga fantazmat, ndaj kur niveli i këtij komponenti është më i ulët, gjasat për t’u pushtuar nga fantazmat rriten automatikisht.

Njerëzit emocionalë-Këta persona janë preh e lehtë për fantazmat. Zemërimi, urrejtja dhe mungesa e stabilitetit emocional janë si plagë të mendjes. Fantazmat i shfrytëzojnë këto mangësi, për t’u futur drejtpërsëdrejti në brendësi të tyre, për t’i kontrolluar. Zakonisht, kur fantazmat futen në trupin e njerëzve, të cilët nuk janë emocionalisht stabël, bëjnë që personi, edhe ashtu emocional, të bëhet edhe më shumë emocional. Kjo gjë e dobëson edhe më shumë mendjen e personit të pushtuar. /citynews/