web counter
LEXO PA REKLAMA!

SHKARKO APP

App Store
Google Play

E fundit!

x

Arrestohen 4 persona/Drejtonin mjetet në gjendje të dehur dhe pa patentë

7 Gusht 2016, 09:09, Aktualitet CNA

Policia e Durrësit arrestoi 4 shtetas që drejtonin mjetet në gjëndje të dehur dhe pa leje drejtimi. Burime zyrtare nga policia bënë të ditur se specialistët e Sektorit të Policisë Rrugore në Drejtorinë Vendore të Policisë Durrës arrestuan në flagrancë shtetasin Elisko Kasa 22 vjeç, banues në Durrës. Në lagjen Nr.1 Durrës, rreth mesnatës, është kapur nga Shërbimet e Policisë duke drejtuar mjetin tip BMË, me targa AX7 PROVË pa dokumenta dhe pa leje drejtimi.

Gjithashtu, u arrestua në flagrancë Avjon Sokolaj 37 vjeç, banues në Durrës. Në lagjen Nr.18 Durrës, ai u kap nga Shërbimet e Policisë duke drejtuar mjetin tip Audi A6, me targa GF09CPN, në gjëndje të dehur dhe pa leje drejtimi.

Një tjetër i arrestuar është Saimir Hoxha 40 vjeç, banues në Durrës. Ky shtetas është kapur nga Shërbimet e Policisë duke drejtuar mjetin tip Opel Veturë, me targa DH 370 FJ ka goditur nga prapa mjetin tip Ford, me targa AA 816 LB. Për pasojë, janë shkaktuar dëme materiale. Nga testi i alkoolit të bërë shtetasit Saimir Hoxha rezultoi se ishte në gjëndje të dehur.

Policia arrestoi Endri Demelli 27 vjeç, banues në Tiranë, pasi tek Gjiri i Lalëzit, duke drejtuar mjetin tip Benz veturë, me targa AA 122 MN, pa leje drejtimi ka goditur nga anash mjetin tip Benz veturë, me targa AA 980 FS me drejtues shtetasin S.J. 27 vjeç, banues në Korçë. Për pasojë është dëmtuar e fejuara e drejtuesit të mjetit me targa AA 980 FS, shtetesia A. Sh. 26 vjeçe, banuese në Fushë Krujë, e cila pas marrjes së ndihmës mjekësore në Spitalin Rajonal Durrës është larguar për në banesë.

/citynews/





Lajmet e fundit nga