E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

S&P konfirmon vlerësimin e Shqipërisë në B+/Perspektiva e qëndrueshme, ja rreziqet

7 Gusht 2016, 08:01, Aktualitet CNA

Agjencia Standard & Poor?s ka mbajtur renditjen afatgjatë të Shqipërisë për borxhin afatshkurtër dhe afatgjatë në monedhën vendase dhe të huaj në B+/B, me një pritshmëri stabël.

?Ne besojmë se performanca e qëndrueshme ekonomike e Shqipërisë dhe përmirësimi i vazhdueshëm në konsolidimin e saj fiskal ka të ngjarë të vazhdojë, pavarësisht rrezikut të rrëshqitjeve fiskale për shkak të zgjedhjeve të përgjithshme të 2017-s ose presioneve të financimit të jashtëm?, tha S & P në një deklaratë të premten pasdite.

?Perspektiva e qëndrueshme pasqyron pikëpamjen tonë të rreziqeve të balancuara në renditjen e Shqipërisë gjatë 12 muajve të ardhshëm, pasi ne presim që Shqipëria do të vazhdojë konsolidimin fiskal që është ankoruar në marrëveshjen me FMN-në, ndërkohë që frenon rreziqet potenciale për ekonominë dhe politikat e saj? thuhet në deklaratë.

S & P vlerëson se një histori e suksesshme e zbatimit të reformës në institucionet gjyqësore të vendit, përveç përmirësimit të klimës së biznesit, do të bëjë që Shqipëria të hapë negociatat për anëtarësim në BE gjatë 12 muajve të ardhshëm.

Qeveria ka zbatuar tashmë disa fusha reforma gjatë viteve të fundit, të tilla si pensionet, qeveritë lokale, dhe furnizimi me energji.

S & P pret që që ekonomia e Shqipërisë do të rritet me një mesatare vjetore prej 3.7% gjatë 2016-2019, me kërkesën e brendshme që do të kontribuojë më fort në performancën e rritjes gjatë viteve të ardhshme, ndryshe nga vitet e fundit, kur eksportet neto kanë qenë motori parësor i rritjes .

Për investimet e huaja vlerësohen projeket e TAP dhe Hec të Devollit, që do financojnë deficitin e lartë të llogarisë korente që pritet të jetë rreth 13% e PBB-së gjatë 2016-2018.

Ndonëse kriza në Greqi do të ndikojë në remitancat, pritet një diversifikim i tyre për shkak të migrimit të Shqiptarëve në vende të tjera dhe pritet që ato të mbeten në 7% të PBB-së nga 13% të PBB-së në 2004-2008.

Kreditë me probleme mbeten të larta në 18%, por pritet që ndryshimet ligjore të ndikojnë në uljen e tyre.

S & P pret që performanca fiskale e Shqipërisë do të mbetet e qëndrueshme gjatë 2016-2019, teksa autoritetet do të vazhdojnë të bëjnë progres në bazë të një programi të FMN-së që synon kryerjen e reformave fiskale dhe strukturore. Si rezultat, S & P pret që borxhi i përgjithshëm i qeverisë do të bjerë në 62% të PBB-së në 2019 nga rreth 72% të PBB-së në vitin 2015, ndërsa vlerësohet rritja e maturitetit të borxhit.

Megjithatë kërcënim mbeten zgjedhjet e 2017-s, së bashku me rritjen e detyrimeve të prapambetura dhe ngadalësimin ekonomik për shkak të pasigurive politike.

S & P mund të rrisë renditjen, nëse reformat strukturore do të krijojnë institucione të përmirësuara, do të forcohen investimet, dhe rriten të ardhurat. Reduktimi i konsiderueshëm i borxhit të qeverisë përtej parashikimeve aktuale, potencialisht së bashku me rritjen më të lartë se sa pritej ekonomike, do të jenë pozitive për renditjen.

S & P mund të ulë renditjen, nëse pozicioni i Financave i qeverisë do të devijojë në mënyrë konsiderueshme nga pritshmëritë, së bashku me presionet e mundshme të financimit. Renditja mund të ulet gjithashtu nëse shihet përkeqësim i dukshëm në pozicionin e jashtëm të vendit dhe aftësinë për të financuar deficitin e saj të llogarisë rrjedhëse, i cili mund të ndodhë në qoftë se disponueshmëria e mbështetjes së jashtme zyrtare do të ishte e pasigurt.

/monitor/