Kompetencat e reja dhe roli i Kryeprokurorit/ Tani vetëm menaxhues administrativ

7 Gusht 2016, 20:43, Aktualitet CNA

Prokuroria do të jetë institucioni që do të pësojë me shumë ndryshime nga reforma në drejtësi. Kushtetuta e re ka zbehur rolin e Kryeprokurorit, i cili nuk do të këtë më asnjë konpetencë të ndërhyje në hetimet e vartësve te tij. Madje nuk do këtë të drejtë as të kryejë emërime apo trasnferime të tyre, të cilat tashmë do të kryhen nga Këshilli i Lartë i Prokurorisë.

Ndërsa prokurorët do të vendosin vete për çështjet hetimore dhe kontrolli i tyre do të bëhet vetëm nga KLP-ja periodikisht. Institucioni që preket me shume nga reforma në drejtësi është Prokuroria. Tashmë ky institucion, nga hierarkia vertikale me në krye Prokurorin e Përgjithshëm, bëhet institucion horizontal. Pra reforma ka rrëzuar dy shtyllat e sistemit te deritanishëm të Prokurorisë.

Me hyrjen në fuqi të Kushtetutës, Prokurori i Përgjithshëm humbet kontrollin mbi hetimin dhe mbi emërimet apo transferimet e prokurorëve. E thënë ndryshe, posti i tij mbetet thjesht i një menaxhuesi administrativ pa patur kompetencë të futet në hetimin e çështjeve. E vetmja kompetencë që i mbetet Prokurorit të Përgjithshëm është të përfaqësoje akuzën në Gjykatën e Lartë dhe Gjykatën Kushtetuese si dhe te menaxhojë punën e administratës.

Ja cilat do të jenë kompetencat e Kryeprokurorit

a-Përfaqëson akuzën në Gjykaten e Lartë dhe çështjet ne gjykatën kushtetuese me perjashtim të rastit kur përfaqësimi bëhët nga Prokuroria e posaçme

b-Nxjerr udhëzime të përgjithshme me shkrim për prokurorët me përjashtim të prokurorëve te prokurorisë së posaçme

c-Siguron mbarëvajtjen e punës në administratën e prokurorisë , me përjashtim të administatës së prokurorisë së posaçme . Krijimi dhe mbarëvajtja e strukturave te teknologjise se informacionit në prokurori rregullohet me vendim te keshillit te Ministrave .

ç-propozon dhe administron buxhetin e prokurorisë , me përjashtim të buxhetit të prokurorisë së posaçme

d-raporton në Kuvend për gjendjen e krinminalitetit

dh- Ushtron kompetencat te tjera të përcaktuara me ligj.

Ndryshe nga tani, me hyrjen në fuqi të Kushtetutës çdo prokuror do të jete i pavaruar në hetimet, pa i dhënë llogari eprorëve.

Puna e tyre do te vlerësohet periodikisht nga Këshilli i Lartë i Prokurorisë.

Kjo strukturë, KLP do të jetë përgjegjëse edhe për karrierën e prokurorëve, kompetencë e cila deri me tani ishte në duar të Prokurorit të Përgjithshëm./Ora