E fundit!

10:33 Aktualitet

SPAK hap thirrjen për 40 hetues të rinj në BKH/ Braho: Hetimet moderne kërkojnë kapacitete të reja

Kreu i SPAK, Klodjan Braho, deklaroi se Prokuroria e Posaç...

Kërcënimi terrorist për Shqipërinë si bombë me sahat

5 Gusht 2016, 19:15, Aktualitet CNA

Organet ligjzbatuese italiane këto ditë kanë ndërmarrë një fushatë efikase kundra elementëve xhihadistë apo edhe radikalëve islamikë kryesisht në Rajonin e Ligurias. Në rrjetën e këtyre organeve ka rënë edhe një hoxhë shqiptar i quajtur Bledar (Enes) Breshta. Policia italiane antiterror DIGOS ka arritur të zbulojë fakte të rënda jo vetëm për sigurinë në Liguria apo në Itali në përgjithësi, por edhe të disa vendeve të tjera si Gjermania, Franca, Belgjika, SHBA-ja e normalisht edhe për Shqipërinë fqinje, Atdheun e Bledarit.

Hoxhë Bledari një ?Globe Trotter? i vërtetë

Nga hetimet e DIGOS-it del se hoxhë Bledari udhëton shpesh në vende të tilla si Gjermania, Franca apo Egjipti. Në disa nga këto udhëtime ai është shoqëruar nga dibrani Rakip Alia, që 5 vite më parë kishte kërcënuar për veprime të dhunshme kundra Ambasadës amerikane dhe Ambasadës izraelite në Romë. Antiterrori italian me të drejtë ngre pyetjet se Bledari, që zyrtarisht është i papunë në Itali, sepse është hoxhë pranë qendrës kulturore islamike (xhamisë) ?Al Fajr? në ?Piazza Durazzo?- Sheshi Durrësi në qendër të qytetit, ku i gjen paratë për të tilla udhëtime? Shumica e këtyre udhëtimeve janë bërë jo me avionë linjash ?Low Cost?, por me linja normale madje edhe në ?Business Class? për udhëtimet drejt Egjiptit.

Italianët kanë vërejtur që, ndërsa dispozitivi antiterror në Gjermani është përqëndruar kryesisht në Landet e Bavarisë dhe të Vurtembergut radikalët shqiptarë si Bledari apo shqiptaro-kosovaro-sanxhaklinj si Bilibani, Mazllëmi, Bajraktari etj e kanë shtrirë veprimtarinë e tyre në periferi të Hamburgut dhe në pellgun qymyrguror të Saarit, ku vëmendja e autoriteteve gjermane është minimale. Kontaktet e hoxhës shqiptarë me radikalë islamikë shqiptarë në Sant Iklaas, po ashtu ishin totalisht jashtë ?radarit? të autoriteteve antiterror belge.

Transfertat e parave

Financierët italianë duke punuar sipas parimit: ndiq rrugën e parasë, kanë zbuluar se hoxhë Bledari thuajse cdo javë për gjatë tre muajve ka trasferuar drejt Shqipërisë dhe Kosovës sasi të hollash nëpërmjet ?Western Union-it?. Këto shuma, që shkojnë deri në 15 000 euro nuk u janë dërguar për persona në Shkodër, nga ku e ka origjinën Bledari, por për të tjerë individë emrat e të cilëve janë të rregjistruar si radikalë islamikë nga shërbimet sekrete euro-atlantike. Për më shumë mund të konsultohet linku: http://notizie.tiscali.it/cronaca/articoli/imam-indagato-moschea-soldi-Isis/ Bledari dyshohet se të tilla shuma i ka transferuar drejt Shqipërisë, jo vetëm për të financuar dispozitivin e propagandës për rekrutimin e shqiptarëve për t?i cuar mish për top në Siri, por edhe për të goditur objektiva (caqe) euroatlantike në Shqipëri, gjë që do të tërhiqte vëmendjen e mediave më prestigjoze botërore duke u bërë kështu propagandë gratis ekstremistëve islamikë. Sic vëren dhe ofron shembuj Giovanni Giacalone, studiuesi italian i islamit radikal, në tokat e banuara nga shqiptarët është krejt normale, që radikalët islamikëk lehtësisht të ndërrojnë orientimin etyre nga Fronti Al Nusra drejt kalifatit Islamik apo edhe anasjelltas. (Për më shumë linku: http://ëëë.ilgiornale.it/neës/cronache/imam-radicali-soldi-e-proselitismo-genova-porta-jihad-nella-1294142.html). Për rrjedhojë të tilla financime mund tu shërbejnë radikalëve ithtarë të secilës prej këtyre organizatave terroriste. Specialistët italianë të antiterrorit besojnë se këto financime mund të shërbejnë në Shqipëri , për të lëhtësuar kryerjen e goditjeve me rezonancë të lartë mediatike kundra objektivave euro-atlantikë, ndoshta edhe izraelitë (diplomatë, policë, 007-ta apo dhe ndërtesave, ku ata punojnë apo jetojnë).

Jo nëse por kur!

Ekspertët italianë të antiterrorist besojnë se tashmë ka filluar me kohë shndërrimi i Shqipërisë dhe tokave të banuara nga shqiptarët në shekuj në Ballkan në një trampolinë për goditje terroriste kundra BE-së. Po ashtu është e mundur dhe e mundshme, që në një të ardhme të afërt të goditen objektiva perëndimorë në Shqipëri, me kusht që goditje të tilla t?i shërbejnë propagandës xhihadiste duke gjetur pasqyrim të gjerë nga media botërore.

Lavdi Zotit për të tilla rreziqe askush nuk e vret mëndjen në Shqipëri. Kryeministri ?Rilindas? është mjaft i zënë në betejën me vëllain-armik Ilir Metën apo me rilindjen urbane të Dardhës, Piqerrasit, Ersekës e me radhë pa folur për luftën kundra shitësve të kokoshkave apo arrixhinjve skllavërues të arushëve! Sh.T.ambasadori Lu nuk po e zë gjumi për të bekuarën reformë në drejtësi, që njëlloj si penicilina e Jan Flemingut nuk do lërë ?infeksion? pa shëruar në Shqipëri. Sa për luftën antiterror ?Tun Xe? Lu vërtet nuk ia ka ngenë, se ka qenë shumë i zënë duke bërë punë bindëse me deputetët e kategorisë ?Selam-Prenga? për të votuar 7 ligjet e famshme të korpusit të reformës së drejtësisë. Prezenca burokratike e BE-së në Tiranë po ashtu është qamet e zënë me bikutina e pedikyr pa folur për kohën, që i hanë përgënjeshtrimet për deklarim pasurie në zyrat përkatëse të Zagrebit. Opozita shqiptare po është e zënë me zgjedhjet në 15-20 degë, që nuk po i bën dot, pa folur opër plantacionet me kanabis në fshatin me emrin e simpatik ?Qivrimas?. Normal kush ia ka kohën e ngenë të merret me ?vogëlima? të tilla si lufta kundra terrorizmit dhe ekstremizmit!

GJERGJ THANASI