web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/KVV: Konsensusi i domosdoshëm edhe në miratimin e 7 ligjeve dhe zbatimin e tyre

5 Gusht 2016, 15:48, Aktualitet CNA

Miratimi në unison i paketës së amendimeve kushtetuese në kuadër të procesit të Reformës në Drejtësi në Kuvend përbën një hap madhor, ndër të tjera, për shëndoshjen e demokracisë shqiptare. Kështu theksohet në një deklaratë të Koalicionit të Vëzhguesve Vendorë, i cili shprehet se konsesusi tërësor parlamentar vlerësohet si një hap më tej i maturimit të dialogut politik dhe i angazhimit politik mbi-partizan në reformimin e sistemit të drejtësisë shqiptare.

Është e domosdoshme që ky konsensus dhe angazhim politik të manifestohet jo vetëm në miratimin e 7 ligjeve si materializim procedurial i amendimeve kushtetuese, por edhe në zbatimin e plotë dhe me efikasitet të këtyre ligjeve në praktikë.

KVV thekson se praktika aspak pozitive e deritanishme e moszbatimit të ligjit apo e relativizimit të tij përballë influencave politike apo atyre me natyrë korruptive, e përforcon akoma më shumë këtë domosdoshmëri.

?Dakortësia e arritur, si një aspekt thelbësor për një sistem demokratik, shërbeu para së gjithash për zhbërjen e klimës së pasigurisë që iu ushqye qytetarëve përgjatë procesit të hartimit dhe të gjetjes së dakortësisë për amendimet. Klimë që është bërë traditë dhe karakteristikë e vendimmarrjeve të rëndësishme politike si kjo e reformës kushtetuese, apo e reformave të tjera deri tek ato mbi proceset zgjedhore.

Momente madhore këto të shoqërisë në demokraci, por që për shkak të lojës politike precipitojnë në gjendje pasigurie për thyerje të vijueshmërisë institucionale apo përmbysje traumatike.

Konsesusi i arritur i bëri me dije qytetarëve shqiptarë edhe një herë se izolimi i çështjeve publike në lojën politike të emrave të individëve dhe vullneteve respektive, jo thjesht asfikson gjuhën e marrëveshjes, por, çka është më e rrezikshme, dëmton kulturën e vijueshmërisë institucionale dhe çdo projekt shtetformues.

Konsultimi, informimi dhe diskutimi i gjerë publik, janë pjesë e të ashtuquajturit ?standard të gjithëpërfshirjes? në procese legjislative?, thuhet në deklaratën e KVV. /citynews/

 





Lajmet e fundit nga