web counter
LEXO PA REKLAMA!

SHKARKO APP

App Store
Google Play

E fundit!

x

Doganat udhëzues të ri për kryerjen e procedurave të peshimit

5 Gusht 2016, 13:12, Aktualitet CNA

Në vijim të zbatimit të planit të veprimeve të inicuar nga Ministria e Financave njofton se për thjeshtëzimin e procedurave doganore dhe tatimore, është miratuar dhe ka hyrë në fuqi udhëzimi i Drejtorit të Përgjithshëm të Doganave, nr. 10572/2,  datë 27/07/2016, ?Mbi Kryerjen e Procedurave të Peshimit pranë Zyrave Doganore?.

Risia e këtij udhëzimi, i kërkuar prej kohësh nga operatorët e import-eksportit,  është aplikimi i modelit të riskut, duke shfuqizuar detyrimin për peshimin e 100% të mjeteve për qëllime import- eksporti të mallrave.

Nëpërmjet këtij udhëzimi shmangen vonesat në pikat e kalimit kufitar, në veçanti në portin e Durrësit, ulen kostot e biznesit duke mospaguar shërbimin e peshimit dhe mbi të gjitha kursehet kohë në procesin e zhdoganimit.  Gjithashtu evitohen gjobat e marra për shkak të diferencave të peshimit të dubluar në Doganat hyrëse kufitare dhe Doganave të brendshme, si dhe luftohen sjelljet jo etike nga administrata doganore.

Rritja e efikasitetit në luftën kundër evazionit, fiskal duke orientuar kontrollet sipas nivelit të rrezikshmërisë duke thjeshtëzuar procedurat dhe ulur kostot e biznesit është objektiv i vazhdueshëm prioritar i Ministrisë së Financave, i cili po konkretizohet dhe do të vijojë edhe në të ardhmen.

Ministria e Financave njofton se fton operatorët e biznesit të njihen me këto ndryshime dhe të përfitojnë lehtësirat e parashikuara në këtë udhëzim. /monitor/





Lajmet e fundit nga