Bashkia nis riparimin e shkollave/Veliaj: Deri në shtator përfundojmë 200 objekte

5 Gusht 2016, 11:25, Aktualitet CNA

Bashkia e Tiranës po punon për riparimin e të gjitha shkollave, në mënyrë që ato të jenë gati për vitin e shkollor.

Kryetari i Bashkisë së Tiranës, Erion Veliaj, zgjodhi shkollën 9-vjeçare ?Fan Noli? në Njësinë Administrative nr. 2, për t?u siguruar që puna e nisur prej disa javësh në 200 godinat arsimore të Tiranës të vijojë edhe gjatë muajit gusht.

?Kemi filluar një proces në të gjitha shkollat e Tiranës, ku çdo ditë po lyejmë, riparojmë, sistemojmë dhe rikuperojmë amortizimin e godinave, në mënyrë që kur fëmijët dhe familjet e tyre të kthehen në shtator nga pushimet, t?i gjejnë në gjendje më të mirë?, u shpreh Veliaj.

Kryetari i Bashkisë së Tiranës siguroi se, kur të kthehen nga pushimet, 1500 nxënësit që mësojnë në një nga shkollat më elitare të qytetit, siç është ?Fan Noli?, do të gjejnë një godinë të riparuar.

Veliaj tha se motoja e bashkisë për këtë verë është: ?Çdo ditë një shkollë!?, duke shtuar se krahas shfrytëzimit të ambienteve nga nxënësit, pas orëve të mësimit shkolla do të jetë edhe në funksion të komunitetit.

?Palestra dhe fushat sportive të kësaj shkolle janë padyshim më të mirat që kemi në qytetin e Tiranës. Ato do t?i nënshtrohen shfrytëzimit masiv nga shkolla gjatë orëve të mësimit, e mandej, pasditeve, nga komuniteti dhe të rinjtë e kësaj lagjeje të mbipopullur të Tiranës?, sqaroi Veliaj.

Paralelisht me punën që po bëhet për riparimin e shkollave, Bashkia e Tiranës po bashkëpunon me institucionet arsimore për të studiuar vendet ku do të ndërtohen shkollat e reja, të cilat do të ulin ndjeshëm numrin e nxënësve në klasa dhe orët e mësimit me dy turne.

?I kemi kërkuar drejtorisë arsimore që, në bashkëpunim me bashkinë, t?i maksimizojmë hapësirat, të mos kemi mbidyndje në disa shkolla dhe defiçit pranimesh në shkolla të tjera, por sigurisht të shikojmë mundësitë ku mund të bëjmë shtesa godinash, për t?u siguruar që shkollat me reputacion të bëjnë maksimumin për të akomoduar sa më shumë nga të rinjtë dhe fëmijët e Tiranës?, tha Veliaj. Kryetari i Bashkisë së Tiranës deklaroi se brenda vjeshtës do të fillojë projekti ambicioz për ndërtimin e 20 shkollave të reja në Tiranë. /citynews/