Nga Majlinda Bregu/ Vizioni Strategjik i Shqipërisë për Negociatat e Anëtarësimit duhet të jetë Qëndrim Kombëtar Unanim!

29 Korrik 2016, 12:06, Aktualitet CNA

Në 25 tetor do të publikohet Progres Raporti i Shqipërisë. Deri atëherë janë gjithsej 88 ditë kalendarike për të mësuar nëse do të ketë propozim nga Komisioni Europian për Çelje Negociatash Anëtarësimi të Shqipërisë në BE.
Që miratimi i Reformës në Drejtësi javës së kaluar, do të ishte vendimtar për të hedhur hapin kryesor të procesit të anëtarësimit në BE, nuk ka dyshim.
Nuk ka dyshim as që miratimi i plotë i ligjeve që e bëjnë atë të zbatueshme, shënon fillimin e count down për të dalluar rezultatet e vërteta nga ato imagjinare në luftën kundër krimit e korrupsionit, respektimin e të drejtave të njëriut, apo afësinë e administratës publike shqiptare. Dhe jo vetëm kaq. E dhimbshme por e pashmangshme do të jetë dhe?nia e llogarisë pe?r c?e?shtje qe? mund te? duken te?re?sisht ngjarje te? politike?s se? brendshme, teksa institucionet dhe individët gjithmonë e më pak shanse do të kenë të vegjetojnë prej “rehatisë” se pushtetit.
Ndërkohë qeveria duhet te? nise? MENJEHERE hartimin e kuadrit politik, ligjor dhe institucional të negociateve. Pe?rpjekja, ne?se nuk e?shte? e gjithanshme, e mire?planifkuar, e mire?koordinuar, me mbe?shtetje te? forte? dhe te? vazhdueshme nga gjithe? aktore?t politike? e të tjerë të perfshirë në proces si dhe shoqe?ria civile, nuk do ta pe?rmbushe? dot ke?te? faze?.
Në Këshillin Kombëtar të Integrimit Europian, në Komisionin e
Integrimit, në takime me palën europiane, kam përsëritur kërkesën ndaj Qeverisë së Aleancës së Shqipërisë Europiane të nisë:
-identifikimin e prioriteteve kombëtare.
-analizën mbi aftësinë e administratës për të përballuar procesin e vështirë të
negociatave dhe
– ngritjen e strukturave negociuese
Qeveria e Aleancës së Shqipërisë Europiane duhet:
1. Të përcaktojë dhe shpallë vizionin strategjik mbi negociatat e anëtarësimit;
2. Të rishikojë bazën ligjore përkatëse për ngritjen e strukturave
negociuese me mandat të fortë negociues, aftësi teknike dhe burime të mjaftueshme buxhetore për realizimin në kohë dhe me cilësi të detyrimeve të anëtarësimit;
3. Të identifikojë negociatorët potencialë dhe anëtarët e grupeve të punës, duke përfshirë në to nëpunës civilë, jo politikisht të emëruar,me eksperiencë në proces dhe me aftësi shumë të mira negociuese.
4. Të përcaktojë një skemë trajnimi të vazhdueshëm të personave që do të përfshihen në
negociata.
Kroacia ka përfshirë 1900 persona gjatë negociatave, Mali I Zi aktualisht ka 1300 persona.
5. Të vlësojë shkallën e cilësinë e përafrimit deri sot, (10 vjet pas MSA) të legjislacionit shqiptar me atë Europian ( acquis).
Dhe këto, jo pa debate publike.
Më vjen për të qarë e qeshur sa herë dëgjoj përbetime dashurie për të ardhmen europiane të shqiptarëve dhe shitje lëvizjesh politike si sakrifica madhore në emër të përmbushjes së ëndrrës europiane!
Ka e do të ketë plot tregëtarë flamujsh në këtë rrugëtim, se gjithë cfarë lëngon brenda nesh nuk do të marrë fund si me magji kur të çelen negociatat, por deri me 25 Tetor janë vetëm 88 ditë.
Sa për fillim.