web counter
LEXO PA REKLAMA!

SHKARKO APP

App Store
Google Play

Përurohen zyrat e reja të Drejtorisë së Policisë së Qarkullimit Rrugor në Tiranë

29 Korrik 2016, 10:04, Aktualitet CNA

Kryeministri Edi Rama ka marrë pjesë në përurimin e ambienteve të reja të Drejtorisë së Policisë rrugore në Tiranë.

Duke folur për në një prononcim për mediat , Rama ka theksuar se, ?vinit shpesh në këtë territor për të parë sesi torturoheshin njerëzit përballë një ngrehine të përuarar në 1981 dhe të degraduar skajshmërisht. Njerëz të detyruar që të zinin radhë që në 4 të mëngjesit për të paguar shkeljet e qarkullimit rrugor. Rreth 200 mijë njerëz në vit përballeshin me një situatë që as në mesjetë nuk mund të gjendej ?.

Kreu i qeverisë ka shtuar se, ?ky ëhstë një investim i kryer në bashkëpunim me sipërmarrjen private, pa nxjerrë as një para nga buxheti, si pjesë e programit të Rilindjes së Policisë së Shtetit nga një trupë e tradhtuar dhe e braktisur, në një trupë që gjithnjë e më shumë i ngjan trupave simotra kudo në Europë?.

Rama shprehu, ?respekt për drejtuesit e Policisë që të çliruar nga kthetrat e politikës që i mbante në trysni të përditshme tashmë janë në krye të detyrës në shërbim të qytetarëve.

Rama nuk ka harruar të lëvdojë punën e minsitrit të brendshëm, Saimir Tahiri dhe të shigjetojë opozitën për akuzat ndaj tij, duke u shprehur se, ?Puna e ministrit meriton çdo lëvdatë, pasi jo më kot meriton gjylet e përditshme të baltës së SHQUP-it që janë në fakt komplimenti më i mirë për punën e minsitrit. Kompliment që vjen nga ata që vetëm shtet nuk njohin dhe nuk ditën të bëjnë. Dhe teksa shohin se si bëhet shteti, asgjë s?dinë të bëjnë veçse të gjuajnë me topa balte ndaj Policisë së Shtetit që është shembulli që duhe të ndiqet nga të gjithë?.





Lajmet e fundit nga