E fundit!

16:03 Aktualitet

Garat formale në Policinë e Shtetit

Ditën e sotme është publikuar renditja me kandidatët që pr...

Basha: Ekonomia e zhytur në krizë, konsumi dhe prodhimi kanë rënë

29 Korrik 2016, 09:02, Aktualitet CNA

Kreu i Partisë Demokratike, Lulzim Basha, është shprehur sot se ekonomia e vendit është zhytur edhe më shumë në krizë. Ai thekson se konsumi dhe prodhimi në vend kanë rënë, ndërsa deficiti tregtar rezulton të jetë më i lartë sesa në qershor të vitit 2015.

“Ja të dhënat më të fundit zyrtare për 6 mujorin e parë të këtij viti: ekonomia eshtë zhytur edhe më shumë në krizë, konsumi ka rënë, prodhimi në vend ka rënë.
Deficiti tregtar rezulton të jetë 14.4% me i lartë sesa në qershor 2015.
Eksportet 6.4% me të ulëta se një vit më parë.
Importet në qershor 2016, rezultojne 1.6% me të ulëta krahasuar me muajin paraardhës.
Ndërsa në nivel 6-mujor, rezulton se eksportet janë 7.8% më të ulëta sesa eksportet janar-qershor 2015” shkruan Basha

Më tej, kreu i opozitës shprehet se Taksat e larta, korrupsioni, dhe armiqesia ndaj punes dhe prodhimit mungesa e besimit dhe i kane marrë frymën biznesit duke e detyruar atë të mbylelt. Sipas tij kjo eshte vepra e vertete e keqqeverisjes se Edi Rames.
“Këto janë te dhenat që tregojnë luften e biznesit për të prodhuar, për të ekzistuar madje, nën tutelën armiqësore e të dhunshme të një qeverie që vetem rrit taksat, shton gjobat, ngren cmimet e e energjise dhe naftes, dhe nuk kryen asnje pune, asnje sherbim. Taksat e larta, korrupsioni, dhe armiqesia ndaj punes dhe prodhimit mungesa e besimit dhe i kane marrë frymën biznesit, duke e detyruar atë të mbyllet, ose të shkurtojë vendet e punës, duke sjellë këto rezultate.
Fuqia blerëse është në kuotat më të ulëta historike, për shkak të varfërisë, papunësisë e mungesës së të ardhurave.
Kjo eshte vepra e vertete e keqqeverisjes se Edi Rames prandaj ai rreket me cdo cmim ta heqe debatin nga hallet e verteta te njerezve me llomotitjet e konfliktit politik”, përfundon Basha