E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ulet kufiri i pataksueshëm për blerjet online

28 Korrik 2016, 09:19, Aktualitet CNA

Çdo qytetar që do të kryejë blerje online mbi 22 euro do të paguajë TVSH dhe taksë doganore, ndërsa për dërgesat e mallrave nga jashtë Shqipërisë, për përdorim personal ose familjar, pragu i vlerës së tatueshme do të jetë 45 euro.

Këshilli i Ministrave miratoi në mbledhjen e radhës vendimin, sipas të cilit kufiri mbi të cilin paguhen taksa është ulur ndjeshëm.

Ky veprim, sipas financave, bëhet për të shmangur konkurrencën e pandershme të subjekteve tregtare që importojnë dhe shesin produktet e tyre në vend, duke paguar të gjitha taksat dhe tatimet në import.

Me vendimin e mëparshëm, kufiri i patatueshëm për blerjen në internet dhe dërgesat nga jashtë ishte 150 euro. Vendimi i qeverisë shqiptare pritet të frenojë ndjeshëm blerjet përmes internetit, që janë rritur me ritme shumë të larta në vitet e fundit. Referuar statistikave të publikuara nga Shoqata e Bankave, në muajin prill të këtij viti numri i transaksioneve online llogaritet 132.379.

Në mes të vitit 2014, qeveria kishte vendosur që të gjithë ata që blejnë online dhe u vjen produkti me postë nga jashtë vendit, do të paguanin taksë në rast se vlera e mallit do të kalojë 20 mijë lekë, duke e rritur nga 10 mijë lekë, që ishte më parë.

Kreu 2, ?Përjashtimi nga detyrimet e importit?, seksioni 5, ?Dërgesat me vlerë të papërfillshme?, të vendimit nr.919, datë 29.12.2014, të Këshillit të Ministrave, neni 116, ?Mallra me vlerë të papërfillshme?, ndryshohet, si më poshtë vijon:

?Neni 116
Mallra me vlerë të papërfillshme
1. Në përputhje me nenin 117, çdo dërgesë mallrash me karakter jotregtar, e përbërë nga mallra me vlerë të papërfillshme, të dërguara drejtpërdrejt nga një vend tjetër te një marrës në Republikën e Shqipërisë, përjashtohet nga detyrimet e importit.
2. Për qëllime të pikës 1, mallra me vlerë të papërfillshme janë:
a) mallrat e blera nëpërmjet porosisë nga interneti, që importohen nëpërmjet dërgesave postare, vlera e të cilave nuk kalon vlerën ekuivalente në lekë të shumës 22 euro;
b) dërgesat e mallrave nga një individ jashtë Republikës së Shqipërisë për një individ në Republikën e Shqipërisë, të një natyre rastësore, pa pagesë dhe që përmbajnë vetëm mallrat e destinuara për përdorim personal ose familjar prej marrësit, vlera e të cilave nuk e kalon vlerën ekuivalente në lekë të shumës 45 euro.?