E fundit!

11:56 Aktualitet

Çështja "Berisha"/ Braho, këshilla opozitës: Nëse pretendoni se i janë shkelur të drejtat drejtohuni gjykatave

Kreu i SPAK-ut Klodjan Braho është përballur me pyetjet e ...

Deputetët e PD pro dhe kundër koalicionit me LSI-në

28 Korrik 2016, 07:01, Aktualitet CNA

Deputetët e Partisë Demokratike janë të përçarë sa i përket mundësisë për një rikthim të koalicionit me LSI. Pas miratimit të reformës në drejtësi, u pa një afrimitet mes këtyre dy forcave politike, teksa dy ditë më parë ishte dhe ish-kryeministrit Sali Berisha ai që nuk e përjashtoi mundësinë e rikthimit të bashkëpunimit. Të njëjtin qëndrim ka ish-ministri, Myqerem Tafaj dhe deputetja Arbjola Halmi. Ndërkohë, kundër koalicionit janë shprehur dy deputetët të tjerë të PD, Irma Kopliku, Bedri Hoxha dhe Sekretari i Përgjithshëm i PD, Arben Ristani.

Të kontaktuar nga gazeta ?Sot? deputetët japin qëndrime të ndryshe, ndërsa theksojnë se në fund do të zbatojnë vendimin që do të marrë grupi. Deputetja Arbjola Halimi shprehet pro një bashkëpunimi me LSI, nëse do të jetë në të mirë të vendit.

?Nëse është në të mirë të vendit e mbështes. Të gjithë ne jemi të ndërgjegjshëm që bashkëpunimi me LSI ishte i nevojshëm dhe atëherë dhe me kosto për PD. Sido që të jetë vendimmarrja është në grup dhe unë i qëndroj gjithnjë vendimmarrjes së grupit?, theksoi deputetja Halimi. Ish-ministri Tafaj shprehet se koalicioni që do të bëjë PD do të varet nga vota e elektoratit. ?Është ende herët për të vlerësuar një bashkëpunim. PD ka bashkëqeverisur me LSI për 4 vjet dhe tani mendoj se është një situatë krejt tjetër. Unë nuk mund të them se jam pro apo kundër një bashkëpunimi të tillë serish. Këtë e vendos elektorati, e vendos votuesi. Unë jam gjithmonë për koalicione postzgjedhore. Koalicionet postzgjedhore janë koalicione që reflektojnë voton e sovranit?, shprehet Tafaj në një prononcim për gazetën. Pro koalicionit është shprehur edhe deputeti Sherefedin Shehu. ?Koalicion bëjmë vetëm nëse na thonë qytetarët, në kuptimin që nëse nuk na japin 71 deputetë, ne patjetër do të kërkojmë koalicione pastaj?, theksoi ligjvënësi demokrat.

Deputetja e Shkodrës, Irma Kopliku, ka një mendim ndryshe nga kolegët e saj. Ajo shprehet se PD ka fituar e vetme disa sfida të rëndësishme dhe Lulzim Basha, pavarësisht kundërshtive, ka treguar lidership.

?Personalisht mendoj se koalicioni zgjedhor, jo koalicioni për zgjidhje, ka një handikap të madh ideologjik dhe moral. Shqiptarët kanë nevojë për një qeverisje më shumë se kurrë me bosht ideologjik dhe me një kartë të forte morali. Marrëveshjet e pamoralshme na kanë vërtetuar që keqqeverisja është e pashmangshme. Nga ana tjetër Lulzim Basha në drejtimin e PD në mënyrë të tillë ka drejtuar deri sot, me karta të forta morali. Nuk besoj se do ketë devijim në rrugën e nisur?, thotë deputetja e PD, ndërsa veçon ligjin e derkiminalizimit dhe reformës në drejtësi.

?Opozita i ka fituar dy sfida historike, siç është Dekriminalizimi dhe Reforma në Drejtësi dhe këtë e ka bërë e vetme, më e vogël në numër se asnjëherë me parë që nga viti 1997. Edhe pse kundërshtitë në lidershipin e tij zoti Basha i ka pasur të forta dhe nga shumë drejtime ai përsëri fitoi betejat e tij politike dhe morale. Prandaj me të njëjtën logjikë kjo rrugë e nisur me moral dhe me përgjegjshmëri, si e tillë duhet të vazhdojë?, thotë Kopliku.

Ajo shton se koalicioni i përkohshëm është i domosdoshëm për të larguar Ramën nga drejtimi i qeverisë. ?Për të hequr të keqen më të madhe, të cilën e cilësoj përsëri: “Rama Kryeministër”, është e drejtë dhe e domosdoshme të ketë një “koalicion të përkohshëm“, nënvizoi ligjvënësja demokrate.

Kundër bashkëpunimit PD-LSI u shpreh edhe deputeti Bedri Hoxha.

?Për momentin jemi për të krijuar qeveri teknicienësh për të shkuar në zgjedhje. Pra, eventualisht që të ndodh kjo duhet të bashkohen ca vota, por jo për të qenë premisë për të ndarë pushtet me LSI. LSI është bashkëfajtore, është përgjegjëse për këtë situatë që është Shqipëria. Unë personalisht nuk e mbështesë një koalicion PD-LSI?, tha Hoxha