E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Vettingu/Bylykbashi: Të gatshëm për konsensus, por të respektohen proçedurat kushtetuese

27 Korrik 2016, 13:29, Aktualitet CNA

Oerd Bylykbashi, deputet dhe kryenegociatori i Partisë Demokratike, në procesin e reformës në drejtësi, bëri të ditur vendimin se opozita dhe ekspertët e saj janë gati të angazhohen në hartimin konsensual të 7 projektligjeve, duke filluar nga Vettingu i gjyqtarëve dhe prokurorëve.

Por Bylykbashi theksoi se ekspertët e PD janë gati të angazhohen në përputhje me Kushtetutën dhe procedurat kushtetuese që sigurojnë legjitimitetin e reformës. Kjo do të thotë se 7 pr/ligjet që përbëjnë paketën ligjore për zbatimin e reformës në drejtësi duhet të miratohen pasi ndryshimet Kushtetuese të hyjnë në fuqi, pra pas datës 10 gusht.

?Opozita dhe ekspertët e saj janë gati të angazhohen në hartimin konsensual të këtyre ligjeve, duke filluar nga ligji për Vettingun e giyqtarëve dhe prokurorëve, në përputhje me Kushtetutën dhe procedurat kushtetuese që sigurojnë legjitimitetin e Reformës?, theksoi Bylykbashi.

Në vijim ai shton se miratimi i reformës na vë përpara përgjegjësive të mëdha për të vazhduar me fazën e re të miratimit të 7 ligjeve organike.

?Miratimi dhe dekretimi i ndryshimeve Kushtetuese është një moment që na vë të gjithëve përpara përgjegjësive të mëdha për të vazhduar fazën e re, atë të miratimit të shtatë ligjeve organike dhe mbi 30 ligjeve organike që plotësojnë Reformën në Drejtësi, me përgjegjshmëri, gjithëpërfshirje, profesionalizëm, konsensus të shëndetshëm dhe transparencë të vërtetë?, shprehet ai.

Bylykbashi thekson se një Kushtetutë që i qëndron kohës duhet ?i ketë themelet vetëm në konsensus të shëndetshëm dhe kurrsesi në manovra politike jo korrekte dhe përjashtuese siç ishte qasja që karakterizoi në këtë proces sjelljen tuaj dhe kreut të mazhorancës që përfaqësoni.

?Kjo është një ftesë për reflektim dhe njëkohësisht garancia për një produkt final për të cilin shqiptarët të ndihen të plotësuar në aspiratën e tyre për drejtësi të pavarur, i llogaridhënies dhe të aftë të luftojë?, tha Bylykbashi.

Deklarata e Oerd Bylykbashi

Lexova sot nje reagim te Kryetarit te Komisionit te Reformes ne Drejtesi. Normalisht dikush do te habitej pse ftesa jone per konsensus i nervozon perfaqesuesit e mazhorances. Ne fakt “pse”-ne e kupton kushdo me arsye; thjesht nuk e duan sepse u prish hesapet qe nisen me kohe por qe ua prishen Opozita, Komisioni i Venecias, propozimi hibrid i zj. Nuland, letra e Komisionerit Hahn dhe votimi me konsensus me 22 korrik.

Opozita eshte e gateshme te kontribuoje me konsensus, tani! Ekspertet e saj po punojne me intensitet mbi draftin qe Kryetari i Komisionit shperndau vetem mbreme ne ora 22:20 te dates 26 korrik, nderkohe pretendonte te bente mbledhje sot. Imagjinoni c’transparence ka ky proces, transparencen e erresires, te faktit te kryer dhe afateve ultimative.

Opozita po punon per te permbyllur ligjin e vetting-ut. Por te pretendosh qe Parlamenti mund te miratoje ligjin kete jave pa hyre ne fuqi amendamentet kushtetuese me date 11 gusht, eshte nje gafe qe as ai qe ka mbaruar juridikun pa shkeputje nga puna dhe naten, nuk e ben. Pra eshte provokim politik per konsum mediatik.

Ftese: durim, gatishmeri per konsensus, vullnet pozitiv dhe respekt i kushtetutes! Sa per kujtese, komisioni ka 5 antare te mazhorances dhe 5 te opozites, pra eshte histori konsensusi dhe jo protagonizmi kryetaresh.

/citynews/