E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Karta dixhitale e karburantit/ Rama e Tahiri: Policia më e aksesueshme se kurrë

27 Korrik 2016, 12:44, Aktualitet CNA

Kryeministri Edi Rama dhe ministri i Brendshëm, Saimir Tahiri, kanë prezantuar sot projektin e kartave elektronike për karburantin e mjeteve të Ministrisë së Brendshme dhe Policisë së Shtetit.

Gjatë fjalës së tij, shefi i qeverisë tha se ky projekt do t?i japë fund abuzimeve me tollonat e naftës në institucione ndërsa sqaroi se zbatimi i këtij projekti do të kursejë 9 milionë dollarë në vit dhe do të shtrihet edhe në institucionet e tjera.

?Janë të freskëta pamjet kur automjetet e policisë ngelnin rrugëve pa karburant. Një histori e gjatë vjedhje me tollonat e karburantit. Sot deklarojmë se kësaj praktike të ndyrë shtetërore prej 20 e ca vitesh, i japim fund, jo vetëm për policinë por për të gjitha institucionet shtetërore, që përdorin automjete dhe çdo vit hapin gropa në buxhet, për shkak të vjedhjes masive, epidemike të parave përmes abuzimeve me tollonat karburantit?, tha Rama.

Ministri i Punëve të Brendshme, Saimir Tahiri tha se Policia e Shtetit është rikthyer në detyrë dhe është më e aksesueshme se kurrë.

Ai tha se janë marrë dhjetëra nisma për ta afruar qytetarin me Policinë ndërsa kujtoi Komisariatin Dixhital, numrin unik 112, por edhe nisma të tjera që kanë afruar uniformat blu me komunitetin.

? Të gjithë i kujtojmë kohën kur punonjësi i policisë dhe policia e tërë vërsulej si karkalec rrugëve për të vendosur gjobën jo shtetërore por abuzive. Sot policët kanë kamera në trup dhe jep mundësi që ai mos të korruptojë dhe as qytetari që ishte i paprekshëm që mos korruptoj. Të gjithë e mbajnë mend, dhe është një gjendje që se kemi plotësuar as ne, infrastrukturës, mbi 10 modele makinash që janë të vjetra dhe vëmendja ishte zero. Ne sot i kemi hyrë një rruge modernizimi, me makina të reja, motorë të rinj, pasi besojmë ë se një polic i paguar me mirë dhe me pajisje më të mira, e bën punën më mirë. Të gjithë e mbajnë mend pamundësinë e qytetarëve për t?ju shërbyer në disa dyer, pasi duhet të paguante dhe sekserin. Në çdo qark thuajse kemi shtrirë rrjetin e Zyrave të Shërbimit Unik. Kem i ndërtuar një mekanizëm që është avokati i qytetarit. Ne sapo kemi filluar me aplikimin e nr. 112 dhe ka shumë telefonata emergjence nga qytetarët. Kjo tregon se policia është më e gatshme ndaj qytetarëve, pasi besojmë se çelësi kyç për të luftuar kriminalitetin është bashkëpunimi.?, tha Tahiri.