E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Mediat pranë PD-së nisin sulmin ndaj Majlinda Bregut

27 Korrik 2016, 10:19, Aktualitet CNA

Deputetja demokrate Majlinda Bregu duket se është kthyer në një objekt sulmi nga mediat. Çudia është se ligjvënësja demokrate po sulmohet nga mediat pranë PD-së, përfshi edhe një portal që drejtohet nga Kryeredaktori RD-së.

Në datën 25 korrik portali në fjalë publikonte një shkrim të marrë nga një portal pranë LSI-së, sipas të cilit deputetes Bregu është bërë një propozim për të qenë ministre në një Qeveri të Kryeministrit Rama, por pa pjesëmarrjen e LSI-së. Madje në shkrim thuhet se negociator për këtë është bërë vëllai Kryeministrit.

Duket se sulmi ndaj deputetes ka lidhje me qëndrimin e mbajtur prej saj pro reformës në drejtësi. Kjo edhe për vetë faktin se nëse reforma u miratua në datën 22 Korrik, dy ditë më pas në portalet e mësipërme, një pranë LSI dhe tjetri shumë pranë PD-së, nisën insinuatat sipas të cilave Bregu në mbështetje me votë të Qeverisë Rama, do të merrte postin e ministres.

Në ditët e fundit përpara miratimit të reformës në drejtësi, Bregu ishte ndër të paktat deputete të opozitës, e cila prerë kërkonte votimin në Kuvend të reformës në drejtësi, sikundër mund të votonte pro draftit të propozuar nga SHBA/BE edhe nëse PD nuk do të jepte konsensusin e saj.

Duket se qëndrimi mbajtur nga Bregu publikisht, por edhe në mbledhjet e Grupit Parlamentar, kanë mërzitur segmente brenda apo pranë PD-së dhe LSI-së.

Ndoshta segmentet në dy partitë, një në qeverisje dhe tjetra në opozitë, kanë vendosur që bashkëpunimin mes tyre ta nisin me një sulm të përbashkët nga ish-ministres së Integrimit, e cila drejton edhe Këshillin Kombëtar për Integrimin. /citynews/