E fundit!

21:25 Aktualitet

"Përgjegjësit u dënuan"/ Blendi Klosi: Rrethimi në Zvërnec është hequr

Sekretari i Përgjithshëm i PS-së, Blendi Klosi, ka bërë me...

Dëshmitari numër 2 rrezikon burg për Edi Ramën në SHBA/ Zbardhet arsyeja e mungesës së kryeministrit në konventën e demokratëve

27 Korrik 2016, 06:43, Aktualitet CNA

Rëndohen pozitat e kryeministrit Edi Rama sa i takon fotos me Presidentin Barack Obama, në vitin 2012. Në publikimin e akuzave për Bilal Shehun, prokuroria tregoi se në lojë ishin edhe dy personazhe, një nga Greqia dhe një nga Shqipëria, që kishin ndikuar në dërgimin e fondeve për fushatën e presidentit amerikan. Mirëpo FBI ka arritur të zbulojë shtetasin grek, biznesmenin e quajtur Vasilious Papadopoulos (William Argeros), i cili ka pranuar rolin e tij në këtë skandal, duke paralajmëruar se agjentët amerikanë mund të vihen dhe në gjurmë të kryeministrit shqiptar.

Duket se dhe kjo është arsyeja që ka bërë të mos shohim Ramën në konventën ku Hillary Clinton do shpallet kandidate për Presidente, pasi i trembet arrestimit. Mediat amerikane si Blomberg dhe Politico kanë publikuar gjithë dëshminë e tij. Ai ka pranuar para gjykatës se në vitin 2015 kishte gënjyer gjatë marrjes në pyetje dhe ka pranuar se ka patur gisht në transferimin e 80 mijë dollarëve. Sipas dëshmisë së tij në Gjykatën Federale në Neëark, 57-vjeçari sqaroi se ka ndërhyrë për të lehtësuar transferimin e shumës së parave. Argeros ka pranuar se u ka treguar nënshtetasve të huaj si të bëjnë transferimin e shumës dhe si të bëjnë pagesën te komiteti. Gazeta ?SOT? ka siguruar marrëveshjen gjyqësore ku shtetasi grek bie dakord të tregojë gjithçka, duke pranuar se ka ndikuar në orientimin për transferimin e 80 mijë dollarëve. Ai tani është në pritje të vendimit të gjykatës dhe rrezikon të dënohet dhe të dëbohet. Ai akuzohet për dy vepra penale dhe mund të dënohet deri në 10 vite burg.

?Zyra jonë do të pranojë deklarimin si fajtor nga William Argeros, për dy akuza: Në tetor 2012, William Argeros ka ndihmuar dhe inkurajuar duke dhënë me ndërgjegje kontribute nga një i huaj si donacione për zgjedhjet federale, ndaj një komiteti politik për mbledhje fondesh, më shumë se 25.000 dollarë, në shkelje të pikës 52 të Kodit të SHBA, seksioni 30121. Në 18 shkurt 2915 në Nju Xhersi, Argeros pasi bëri betimin duke dëshmuar para Jurisë së Madhe, me ndërgjegje dha dëshmi të rreme, në shkelje të pikës 125 të Kodit të SHBA seksioni 1623a?, thuhet në dokument.