web counter
LEXO PA REKLAMA!

SHKARKO APP

App Store
Google Play

E fundit!

x

SHBA dhe BE përgenjështrojnë Bashën

27 Korrik 2016, 19:26, Aktualitet CNA

Delegacioni i BE në Shqipëri, së bashku me SHBA-në kanë përgenjështruar Kryetarin e Partisë Demokratike Lulzim Basha, i cili tha sot se ligjet pas miratimit te ndryshimeve kushtetuese për Reformën në Drejtësi iu janë shpërndarë ditën e djeshme. Përmes një deklarate për mediat, BE dhe SHBA shprehet se drafti iu është shpërndarë të gjithë anëtarëve të Komisionit të Posaçëm për Reformën në Drejtësi gjysmën e dytë të muajit qershor.

Deklarata e plotë e delegacionit të BE dhe SHBA

BE së bashku me SHBA-të kanë kërkuar miratimin e shpejtë të shtatë ligjeve, dhe të parin ligjit e vlerësimit (vetting), në mënyrë që të përshpejtohet zbatimi i paketës së Reformës në Drejtësi.

Kjo gjë i është bërë e ditur të gjithë udhëheqësve politikë, dhe Kryetari i Kuvendit Meta ka konfirmuar se si Kryetar i Kuvendit është i gatshëm të thërrasë mbledhjen e një seance të jashtëzakonshme të Kuvendit me të hyrë në fuqi Ndryshimet Kushtetuese (më 11 gusht), meqenëse krerët e grupeve parlamentare kanë rënë dakort për këtë.

Miratimi i shpejtë i ligjeve zbatuese është parakusht për nisjen e zbatimit të Reformës në Drejtësi, dhe i një rëndësie themelore për rrugën evropiane të Shqipërisë.

Drafti u është shpërndarë të gjithë anëtarëve të Komisionit të Posaçëm për Reformën në Drejtësi gjysmën e dytë të muajit qershor.





Lajmet e fundit nga