Artur Zheji padit gazetarin Anri Bala

27 Korrik 2016, 17:39, Aktualitet CNA

Publicisti Artur Zheji me datë 15 korrik 2016, i është drejtuar Prokurorisë së Tiranës me një padi për gazetarin Anri Bala, se gjoja qënka kërcënuar me jetë nga ky i fundit dhe fyer në editorialin me titull ?Artur, ruaj kokën dhe bythën kur të gremiset karroca!?

Mbasi u lidhëm me gazetarin Bala, ai deklaroi se zoti Zheji ose është shumë djallëzor ose është paranojak. Djallëzor, sepse gjen metoda për të kërcënuar gazetarët që kanë mendim ndryshe kundër tij dhe nuk i thurin elozhe. Paranojak, sepse mund të ketë gëlltitur diku ndonjë lugë ?çorbë? dhe ndjehet i kërcënuar nga të gjithë. Nuk mund të shpjegohet ndryshe ?kallëzimi për kërcënim? ku në paragrafët thuhet metaforikisht për qëndrimin politik të Zhejit e jo personal të tij si individ:

?Ti mor mik ëndërron, që kjo karrocë të mos gremiset, ndaj me të drejtë e lajmëron mikun tënd, që të marrë kuajt e vjetër. Por e keqja është se i ka dal i zoti ?parkingut? ku fshihet karroca. Ti dhe shumë si ti, bëheni pjesë e stallës për pak bar dhe bajga, e lutju Zotit mos të kesh ngrënë barin e miut. Përsa i përket mikut tënd, ai edhe ikën edhe s?ikën, po ti ruaj kokën dhe bythën kur të gremiset karroca!?

Gazetari Bala as nuk e njeh dhe as nuk ka asgjë personale me Zhejin. Shkrimi është përgjigje e gazetarit në një editorial të publikuar nga Zheji tek 360 gradë, ku ai është i pozicionuar në mbrojtje të partisë së tij dhe i kërkon me po të njëjtin titull kryetarit Meta, që të braktiste qeverinë (karroca) që po rrëzohej dhe të marrë drejtimin e vendit.

?Nuk ka asgjë të keqe këtu?, sqaron gazetari, ?por ishte një reagim i imi, pasi publicisti po i gënjente shqiptarët, duke i paraqitur hallet e veta si të gjithë shqipëtarve. Asnjë fjalë për gremisjen e madhe të idhujve të tij, që do t?i gremisi reforma në drejtësi dhe nëse ai është në mbrojtje të palë së destinuar për tu dënuar, të ketë kujdes, sepse mund ta marri orteku dhe atë që ka qenë në majë të çatisë.?/pamfleti