Edi Rama në ditët e vetmisë së madhe

16 Korrik 2016, 11:27, Aktualitet CNA

Kreu i qeverisë Edi Rama, duket se po kalon ditët e vetmisë të madhe. Ai është i braktisur nga aleatët politikë por ndodhet edhe përballë kritikave nga ndërkombëtarët.

Faktet flasin që çdo ditë e më shumë Edi Rama po kalon vetminë e tij politike më të madhe pas zgjedhjeve lokale të 2011.

Së pari Ilir Meta duket se e ka vënë me shpatulla pas muri. Po i bën një lojë të fortë politikë dhe nuk ndalet së negociuari dhe mbyllur pazare me Lulzim Bashën. Veprim që po e nervozon pa ndalim kreun e qeverisë. Meta në çdo cast mund ti rrëzojë qeverinë Edi Ramës, dhe ky humbet aleation që e solli në pushtet. Ylli Manjani kujdeset veçanarisht çdo ditë si e si ta bëjë nervioz kryeministrin me qëndrimet që mban në publik. LSI po i jep reston Ramës për lojrat e tij nën rrogoz.

Së dyti, miku i tij I ngushtë Koço Kokëdhima, jo vetëm i ka dalë kundër, por ka mundur të sigurojë edhe ndonjë deputet brenda grupit, për ta mbajtur peng, dhe për të shkuar deri në hakmarrje ndaj ish-mikut të tij Rama, i cili akuzohet nga Kocço se i hoqi mandatin e deputetit.

Së treti, miku tjetër i ngushtë, njeriu që propozoi për ta sjellë ministër me Fatos Nanon dhe më pas për ta vendosur në krye të PS-së, Ben Blushi. Ky i fundit një lojtar i fortë dhe i ashpër në politikë që duket se nuk do i falë ?tradhëtitë? e Edi Ramës. Në një lëvizje më disa deputetë, në çdo rrëshkitje të Metës, i jep ?shqelmin? e fundit kryeministrit.

Së fundi janë ndërkombëtarët të cilët së fundi kanë qenë të ashpër jo vetëm me Lulzim Bashën. Ambasadori amerikan Donald Lu, ju drejtua Edi Ramës, duke theksuar se nuk pranonte qëndrimin e kryeministrit i cili dekloronte se nuk ulej më me opozitën në negociata. Për më tepër i theksoi se duhet të mbylleshin në një dhomë deri sa të gjenin zgjidhjen. Loja e Ramës me emrin e ndërkombëtarëve mori fund. Mos miratimi i reformës të kërkuar me kushte specifike nga nderkombetarët, në fund largon se pari Ramën bashkë me qeverinë.

Ndoshta jashtë kësaj vetmie ka vetëm vëllain e madh Erdogan, por ai mesa duket ka hallet e tij dhe Rama nuk është më pasagjeri që mund ti kushtojë kohë.

Ditët e vetmisë të madhe të kryeministrit tonë sot ndahen vetëm me Endri Fugën dhe Erion Veliajt, me të cilët ndan kohën, bën skema dhe llogari, ndan hallet e pazarëeve dhe negociatave me Metën, inatet me Blushin, apo sherrnajen me Kokëdhimën. Dhe si gjithmonë ata ?kujdesen? që shefit të tyre mos i dalë në publik, izolimi dhe vetmia që e ka kaptuar./ Elvi FUNDO shkruar per cityews