web counter
LEXO PA REKLAMA!

SHKARKO APP

App Store
Google Play

Zyrtare, SHBA dhe BE duan Vetingun

15 Korrik 2016, 16:00, Aktualitet CNA

Shtetet e Bashkuara të Amerikës përmes Ambasadorit Donald Lu bënë të qartë qëndrimin e tyre në lidhje me Vetingun, duke mos pranuar absolutisht një minimizim të rolit ndërkombëtar në këtë proces. i prerë në qëndrim, Ambasadori Lu e konsideroi propozimin e fundit të PD-së për një rol thjesht monitorues të ndërkombëtarëve si të papranueshëm.

Ky qëndrim i shfaqur nga SHBA përmes Ambasadorit në Tiranë nxjerr zbuluar qëndrimin e mbajtur deri më tani nga Partia Demokratike, e cila duket se ka marrë rolin për t?u përplasur qoftë me SHBA ashtu edhe me BE-në, ndërsa LSI e drejtuar nga Ilir Meta po qëndrojnë në hije, edhe pse qëndrimi i tyre është më pranë PD-së.

Në anën tjetër Kryeministri Edi Rama dukej se ka pasur të drejtë në deklaratën e tij, që e quante një vijë të kuqe ?Vetingun?, referuar kjo deklaratës së fundit të Ambasadorit Lu.

Ky i fundit nxorri në pah faktin se Basha në takimin e zhvilluar me Ndihmës Sekretaren Amerikane të Shtetit, Victoria Nuland ka marrë një zotim, të cilin e ka thyer, duke dalë me një propozim të ri, mbi draftin hibrid.

Tashmë shigjetat diplomatike janë të drejtuara nga opozita e drejtuar nga Basha, kosto të cilën ia kanë paralajmëruar jo vetëm ndërkombëtarët, por edhe deputetët brenda Grupit Parlamentar demokrat.

Vetingun tashmë zyrtarisht e kërkojnë si SHBA dhe BE, ndonëse deri më tani ishte luajtur teza se ky ishte një kusht apo një lojë e Kryeministrit. Zhvillimet tregojnë se Rama thjesht i ka thënë Po çdo propozimi të ardhur nga SHBA, që janë investuar prej më shumë se 18 muajsh për hartimin dhe miratimin e reformës në drejtësi.

Ambasadori amerikan nuk do të nguronte të vinte gishtin mbi ata që kanë frikë nga kjo reform, kur ripërsëriti deklaratën e bërë disa muaj më parë.

?Disa muaj më parë kam pyeta se kush ka më shumë frikë nga kjo reformë?   Krerët e krimit të organizuar? Gjyqtarët e korruptuar? Apo politikanët kriminelë?  Sot, përgjigja është e qartë.  Të gjithë ata kanë frikë dhe të gjithë po e luftojnë?, tha Lu.  /citynews/





Lajmet e fundit nga