web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/Ilir Meta fshihet pas PD

14 Korrik 2016, 11:26, Aktualitet CNA

Partia Demokratike duket se po merr faturën përballë shqiptarëve dhe ndërkombëtarëve në lidhje me reformën në drejtësi, ndërsa parti e drejtuar nga Ilir Meta, LSI, po fshihet pas demokratëve në lidhje me këtë reformë.

Referuar të gjitha lëvizjeve dhe deklarimeve që janë bërë, LSI është në të njëjtën gjatësi vale sikundër PD përsa i takon reformës në drejtësi, madhe partia e drejtuar nga Meta është çelësi i bllokimit të saj.

Por demokratët kanë marrë flamurin për të nxjerrë pretekste dhe për të ndryshuar qëndrim kundrejt çdo propozimi që bëhet, ndërsa LSI e Metës, thjesht përmend togfjalëshin se ka konsensus dhe pa zbatimin 100 % të rekomandimeve të Venecias s?mund të ketë reformë në drejtësi që të garantojë drejtësinë për shqiptarët në të paktën 30 vitet e ardhshme. Por çpo ndodh realisht?

Vizita e Ndihmës Sekretare amerikane të Shtetit, Victoria Nuland, veç faktit që nxorri në dritë një draft hibrid me propozime të PD dhe PS mbi reformën në drejtësi, dha edhe një mesazh të qartë; atë të mbajtjes larg të LSI nga ky proces dhe arritjen e konsensusit mes dy forcave kryesore politike në vend.

Mesazhi i dhënë nga SHBA ishte i qartë, madje aq sa drafti hibrid për të cilën foli znj.Nuland as nuk i ishte vënë në dispozicion partisë së drejtuar nga Meta. Por ky i fundit duket se ka garancinë nga kreu demokrat Lulzim Basha, i cili me spërdredhjet e tij herë Po dhe herë Jo për reformën, po identifikon partinë më të madhe të opozitës si forcën që nuk do reformën.

Por nëse PD nuk do të donte realisht miratimin e kësaj reforme ajo mund të gjente 1 mijë arsye shumë më të besueshme se ato që artikulon Basha, ku një prej tyre mund të ishte fakti që reformën nuk mund ta miratonte një Parlament mbi të cilin në çdo moment mund të veprojë ligji i dekriminalizimit, që mund të çojë në humbjen e mandateve të deputetëve. Kaq do të mjaftonte dhe do të kishte llogjikë për të dhënë një arsye që mund të përligjte qëndrimin e PD-së, si forca që me forcë kërkoi dekriminalizimin.

Por duket se në thelb të kundërshtive është ajo çka Meta i ofron PD, që kjo e fundit të mos miratojë reformën. Skenari që përflitet është ai që pas 21 Korrikut, LSI i heq mbështetjen Kryeinistrit Edi Rama, i cili ka vetëm 55 mandate në Kuvend, pa përfshirë këtu edhe ndonjë deputet tjetër socialist që mund t?i dalë kundër.

Meta, ndërsa bën skenarë për rrëzimin e Ramës duke përdorur herë Koçon dhe herë Fahriun, ndërsa nuk ndërmerr një veprim konkret, por gjithçka e mban pezull në formën e një presioni, PD në anën tjetër është ekspozuar para Ambasadorëve, Kancelarive europiane, SHBA dhe shqiptarëve si forca që nuk do reformën.

Kjo situatë mund të përballë PD me një faturë të kripur politike, e cila mund të çojë ujë vetëm në mullirin e Metës. /citynews/





Lajmet e fundit nga