web counter
LEXO PA REKLAMA!

SHKARKO APP

App Store
Google Play

E fundit!

x

Dështojnë negociatat/Meta i mbyll derën Ramën

14 Korrik 2016, 10:35, Aktualitet CNA

Negociatat e nisura mes Kryeministrit Edi Rama dhe Kryetarit të Kuvendit, Ilir Meta, po dështojnë.

Negociatat synojnë uljen e tensioneve në raportet mes Ramës dhe Metës dhe për këtë Kryeministri mësohet se ka angazhuar disa figura publike ose jo, të cilët njihen për lidhjet e tyre me Kryetarin e Kuvendit.

Por burimet shtojnë se edhe pas negociatave dhe kontakteve, raportet mes Ramës dhe Metës mbeten të tensionuara, deri në nivelin e prishjes së tyre përfundimtare.

Madje burime të afërta me Kreun e Kuvendit pohojnë se koalicioni qeveritar është në fije të perit, pasi pas seancës parlamentare të 21 Korrikut ku do të votohet reforma në drejtësi, LSI nuk do të mbështesë me votë Qeverinë.

Por për cilat arsyeja, LSI e drejtuar nga Ilir Meta po ushtron presionin ndaj Kryeministrit Edi Rama?

Skenarët që janë në lojë kanë të bëjnë ose me rrëzimin e Qeverisë Rama dhe krijimin e një qeverie të re, por jot ë kryesuar nga Edi Rama, ose me presionin e LSI për të rritur peshën e saj në Qeveri, duke synuar poste të tjera ministrore, ose shtimin e ministrive që sot ka nën kontroll.

Burime pranë Ramës besojnë se gjithë presioni që LSI po ushtron pikërisht ka të bëjë me këtë fakt, pra që Meta të ketë nën kontroll më shumë ministri, përfshi këtu edhe atë të Brendshme. /citynews/





Lajmet e fundit nga