E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bullgarët “kërkojnë” rrugët shqiptare

14 Korrik 2016, 08:45, Aktualitet CNA

Bullgaria në mënyrë të përsëritur i ka kërkuar qeverisë shqiptare që të bëjë të mundur ndërlidhjen infrastruktutore mes dy vendeve, qoftë rrugore apo hekurudhore.

Ka qenë presidenti bullgar Rosen Plevneliev që ka vlerësuar si të rëndësishme këtë ndërlidhje në kuadër të Korridorit 8.

Në një intervistë për agjencinë e lajmeve bullgare Novinite, ambasadori shqiptar në Sofie, Qirjako Kureta tha se:

?Korridori VIII është një projekt i rëndësishëm për bashkëpunimin rajonal, veçanërisht për infrastrukturën. Shqipëria, njihet si terminali i Ballkanit për Korridorin 8, e cila nuk shërben vetëm si mënyrë për të rritur shkëmbimet tregtare, por edhe si një urë ndërlidhëse mes njerëzve dhe kulturave. Në këtë kontekst, nënvizoj ndërtimin e segmentit Tiranë ? Elbasan, Qukës ? Qafë Plloçë, si dhe Rrugën e Arbërit. Investime janë ndërmarrë edhe për të rritur kapacitetet e përpunimit në portin e Vlorës dhe të Shëngjinit. Korridori 8 do të kontribuojë në ndërlidhjen me të mirë mes vendeve të rajonit. Megjithatë unë do të doja që të theksoja nevojën për mbështetjen e autoriteteve bullgare për promovimin dhe inkurajimin e projekteve rajonale?, tha ambasadori Kureta.

Dy vjet më parë, ministrat e transportit të Shqipërisë, Bullgarisë dhe Maqedonisë nënshkruan në Sofie një deklaratë të përbashkët për koordinimin e veprimeve për ndërtimin e Korridorit 8.

Nga ana tjetër energjia dhe turizmi janë dy sektore që vlerësohen të rëndësishme për zhvillimin e marrëdhënieve ekonomike mes dy vendeve.

Vëmendje, sipas z. Kureta i është kushtuar ndërlidhjes në fushën e energjisë elektrike mes dy vendeve, përmes zgjerimit të interkonjeksionit Elbasan-Manastir-Bullgari dhe integrimit të tregut shqiptar në atë europian. ?Një linjë e plotë interkonjeksioni mes sy vendeve do të thotë më shumë mundësi mes kompanive publike dhe investitorëve privatë në sektorin e energjisë. Një gjë e tillë do të rriste sigurinë e furnizimit me energji?, tha z. Kureta.

Një tjetër mundësi është edhe TAP, i cili duke u lidhur me IAP [Ionian-Adriatic Pipeline] do të krijojë mundësitë të reja për investime në Ballkanin Perëndimor.

Sa i përket turizmit, vitin e kaluar rreth 14,000 bullgarë vizituan Shqipërinë, por nëse kjo shifër krahasohet me numrin e bullgarëve që vizitojnë Greqinë apo Turqinë ajo është shumë e ulët.

Volumi tregtar mes Bullgarisë dhe Shqipërisë llogaritet në rreth 76 milionë euro.

Barrierat kryesore sipas biznesit bullgar janë : mungesa e transportit direkt ( rrugë, trena), mungesa e njohurive për mundësitë e të bërit biznes ( import dhe eksport).

Në Shqipëri operpjnë rreth 66 biznese bullgare ( ose bashkime) që i përkasim kryesisht sektorëve si shitjet me pakicë, bujqësia, ndërtimi, ushqimi, konfeksionet etj./monitor.al