E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Cash-i që transportohet nga bankat/ Sa paguan kompanitë e sigurimit në 2015

14 Korrik 2016, 07:21, Aktualitet CNA

Kompanitë shqiptare të sigurimit kanë paguar një nivel rekord dëmesh prej 30 milionë lekë për ?cash-in? në tranzit në vitin 2015 (dëmet nga transportimi i pareve cash), sipas të dhënave nga Autoriteti i Mbikëqyrjes Financiare (AMF). Ky është niveli më i lartë i paguar deri tani, teksa në 2014 shifra është zero dhe në 2012-2013-n u paguan përkatësisht 580 mijë lekë dhe rreth 1.5 milionë lekë.

Janë kryesisht bankat ato që sigurojne cash-in në tranzit, që nga momenti që paratë fillojnë të transportohen deri kur dorëzohen në destinacion. Transporti kryhet nga zyrat qendrore në degë, nga dega në degë, nga banka qendore në degë dhe Tirane-Rinës e Rinas-Tiranë.

Teksa në 18 muajt e fundit janë regjistruar 3 vjedhje të parave të bankave, që transportoheshin nga kompanitë e sigurisë fizike (security), më fundit në Rinas, kompanitë e sigurimit duket se kanë filluar të zgjidhin qeset.

Megjithatë, shuma e paguar aktualisht është shumë më e ulët se vjedhjet (vlerësohet që shuma në të tre vjedhjet i kalon 5 milionë euro), për dy arsye. Së pari procedurat zgjasin me vite (dy vjedhjet e para ende nuk janë paguar fizikisht, ndonëse është bërë njohja e dëmit) dhe së dyti, ky produkt është kryesisht i risiguruar, çka nënkupton që është risiguruesi ai që paguan një pjesë të dëmit (skema e pagesës kompani-risigurues varet nga marreveshja).

Kompania e sigurimeve duhet të paguajë dëmshpërblim në momentin që certifikohet humbja, në baze të raporteve të autoriteteve dhe njohjen e dëmit nga kompanitë.

Në vitin 2015, dëmet e paguara kanë qenë më të larta se primet që kompanitë e sigurimit kanë marrë nga klientët.

Vjedhjet gjatë transportit të vlerave monetare, që nisën 18 muaj më parë duket se kanë rritur interesin e bankave e kompanive të tjera që mund të bëjnë transport parash për t?u siguruar. Sipas të dhënave nga AMF-ja, të ardhurat nga produktin cash në transport për kompanitë e sigurimit janë trefishuar për 5 mujorin 2016, duke arritur në gati 30 milionë lekë, aq sa ka qenë shuma e arkëtuar për gjithë vitin 2015.