“Frika” nga gjobat rriti të ardhurat nga tatim fitimi

14 Korrik 2016, 10:50, Aktualitet CNA

Të ardhurat nga tatim fitimi kanë shënuar një rritje të fortë me 22% në 6 mujorin e parë të këtij viti, duke arritur në 16.2 miliardë lekë. Rritja ka qenë më e lartë se ajo që kishin planifikuar financat në fillim viti, duke u tejkaluar me 3.4 miliardë lekë, duke qenë zëri me mbi realizimin më të madh të planit në të ardhurat tatimore e doganore. Të arhdurat e larta nga tatim fitimi kanë kompesuar dhe mosrealizimin e TVSH-së dhe taksave nacionale e të tjera, duke ?shpëtuar? realizimin e planit nga tatimet.

Duket se një nga nenet e ligjit të supergjobave (procedurave tatimore), miratuar në tetor të vitit të kaluar dhe që nuk u rrëzua nga Gjykata Kushtetuese ka dhënë efekt në rritjen e të ardhurave.

Ekonomistët e firmave shpejgojnë Bizneset kanë nxituar të paguajnë këstet e tatim fitimit, përndryshe rrezikonin që të merrnin gjobë që është sa 15% e vlerës së këstit.

Më parë, bizneset nuk ngarkoheshin me gjoba, në rast se nuk paguanin tatim fitimin, thjesht nuk merrnin dot vërtetim në tatime që kishin paguar detyrimet. Frika nga gjoba ka bërë që biznesi të nxitojë të paguajë këstet e tatim fitimit.

Sipas njoftimit që tatimet u kanë dërguar bizneseve, ?Mospagimi në afat i kësteve paraprake të tatimit mbi fitimin ose kësteve paraprake të tatimit të thjeshtuar mbi fitimin, sipas nenit 30, të ligjit nr. 8438, datë 28.12.1998, ?Për tatimin mbi të ardhurat?, të ndryshuar, dënohet me gjobë në masën 15 për qind të shumës së këstit për t?u paguar. (Ndryshuar me Ligj Nr. 99/2015, datë 23.09.2015. Botuar në Fletoren Zyrtare Nr. 187, datë 28 tetor 2015, neni 114/1)).?

Financat, rritje e ndërgjegjësimit të tatimpaguesve

Ministria e Financave nga ana e saj ka pohuar se ndikimin kryesor në këtë rezultat e ka patur rritja e ndërgjegjësimit të taksapaguesve për deklarimin real të transaksioneve në import dhe zinxhirin e shitjeve. Faktorë të tjerë përmendim: fazën e dyte të planit të veprimit kundër informalitetit të orientuar drejt kontrolleve bazuar në analizën e riskut dhe në vazhdimësine e proçeseve. Thjeshtësimi i proçedurave të deklarimit dhe instalimi i një komunikimi permanent me operatorët e biznesit po gjeneron performancë më të lartë./monitor

?Neni 114/1

Mospagimi i kësteve të tatimit mbi fitimin dhe tatimi i thjeshtuar mbi fitimin

Mospagimi në afat i kësteve paraprake të tatimit mbi fitimin ose kësteve paraprake të tatimit të thjeshtuar mbi fitimin, sipas nenit 30, të ligjit nr. 8438, datë 28.12.1998, ?Për tatimin mbi të ardhurat?, të ndryshuar, dënohet me gjobë në masën 15 për qind të shumës së këstit për t?u paguar.