Firmosni që presidentin ta zgjedhë populli/Blushi: Reforma pranë dështimit

14 Korrik 2016, 10:45, Aktualitet CNA

Me tone të ashpra deputeti socialist Ben Blushi tha sot në Kuvend se Reforma në Drejtësi është drejt dështimit të plotë, pasi palët politike nuk kanë gjetur ende konsensusit për të votuar këtë reformë që për shqiptarët është shumë e domosdoshme.

?Jemi më larg se çfarë ishim para dy vitesh, muajsh, javësh, ditësh e orësh.Mesa duket reforma në drejtësi është shumë afër dështimit? ka thënë Blushi.

Faturën për këtë dështim, Ben Blushi ia ka lënë kreut të demokratëve Lulzim Basha dhe atij të Socialistëve Edi Rama që nuk kanë aftësinë që të bien dakort me njëri-tjetrin.

?Reforma dështon pasi Luli e Edi nuk kanë aftësinë që të merren vesh mes njëri-tjetrin? tha ai.

Nga ana tjetër Blushi i ka kërkuar të gjithë deputetëve të firmosin që presidentin ta votojë populli mbi bazë të peticionit të inciuar nga disa deputetë të partive të vogla mes tyre Blushi, Mimoza Hafizi e disa kryetarë e deputetë të partive të vogla

Fjala e plotë e deputetit Ben Blushi

Jemi më larg se çfarë ishim para dy vitesh, muajsh, javësh, ditësh e orësh.Mesa duket reforma në drejtësi është shumë afër dështimit.

Ky i çmënduri që vrau gruan në mes të Tiranës kishte qënë i dënuar dhe Gjykata e kishte liruar, sëhstë vetëm kaq. Para dy muajsh në autostradë një grua tjetër me tre fëmijë për shkak të një trafikndarëse. Si i vret shteti qytetarët e vet duke e shpërfillur drejtësinë . Shkojmë po Kavajë kur një njëri që nuk është dhe është kryetar Bashkie qeveris nga shtëpia. A mund të funksionojë kështu drejtësia? Shkojmë në Dibër e lirojmë dhe Shukriun e rikthejmë në punë. S?po them që si ka mundësi që Rilindja nuk lejon zgjedhje në Dibër e Kavajë.

Një deputet këtu ka qene përdori armën për arsyet e veta. Por edhe Ballist Morina kishte pistoletë por është në burg akoma.

Kush është pra kostoja e mungesës së drejtësisë? Pse s’po ndodh Reforma?

Paaftësia e Lulit dhe e Edit për tu marr vesh, kjo është një nga arsyet.

Në thelb këta të rinjtë e kanë më të thjeshtë por e kanë të vështirë prandaj vriten njerëzit kështu. Mungesa e drejtësisë nuk lejon investimet e huaja. Takohemi sat ë duam se s?na pranojnë në BE. Në fakt nuk duam të shkojmë.

Edhe njëherë do ta them sikur të kishim mundësi ta votonim reformën pas një jave çka më duket e pamundur. I kishim mundësitë të shkonim në popull ti pyesnim. Por kjo mundës8i u mbyll në një kuti brenda kësaj sale. Po ta kishim nxjerr nuk do mbante kaq erë.

Pse po flas për popullin?Sepse popullit i ka ardhur koha të marrë disa vendime se ne s?po i bëjmë dot.

Si pengohet populli të marrë vendime?

Ne para ca javësh firmosëm një peticion që donte 28 firma për ta future në sallë që presidentin ta zgjedhë populli. Asnjë nuk e votojë. Çdo mundësi referendum, zgjedhje direkte është më mirë sesa ato që zgjedhim ne.

Tentuam një peticion online. Ju them se kanë firmosur për 1 javë 10 mijë qytetarë që presidenti të zgjidhet nga populli.

Kam parë komentet e jashtëzakonshme. Ka ardhur koha për zgjedhje direkte në popull. Në 21 korrik asnjë nga ju do e jepni votën. Për shkak të vulgaritetit që u përdor në këtë sallë dola ta shpjegoja.

Votoni që ta zgjedhim presidentin nga populli /Citynews/