E fundit!

19:25 Kronika

Aksident i rëndë në aksin Cërrik-Mollas/ Raportohet për dy viktima

Një aksident i rëndë raportohet se ka ndodhur në aksin Cër...

Ndikimi Soros/A ekziston një pakt mes Bashës, Veliajt dhe Ramës?

10 Korrik 2016, 08:36, Aktualitet CNA

Partia Demokratike e drejtuar nga Lulzim Basha mund të konsiderohet ndër opozitat më komode kundrejt skandaleve që kanë përfshirë Qeverinë Rama përgjatë mandatit të parë qeverisës. Por nga ana tjetër, Basha në cilësinë e ish-Kryebashkiakut të Tiranës, ndoshta është ndër të paktët që në rreth 1 vit pasi ka lënë mandatin nuk është akuzuar apo sulmuar nga pasardhësi i tij në Krye të Bashkisë, Erjon Veliaj.

Ky i fundit veç disa deklarimeve sporadike, nuk ka ndërmarrë asnjë akuzë konkrete ndaj Bashës, edhe pse përgjatë 4 viteve që ai drejtoi qytetin e Tiranës, shpesh herë ishte nën sulmet e vazhdueshme, deri në paralajmërimet për të denoncuar abuzimet në organin e akuzës. Por duket se palët u tërhoqën në llogoret e tyre dhe veç disa ?sulmeve të lehta? asnjë prej tyre nuk ndërmorri veprime konkrete.

Përplasja më e ashpër mes Bashës dhe Veliajt ishte ajo për ndërtimin e këndit të lojrave në Parkun e Liqenit, projekt që u kundërshtua ashpër nga shoqëria civile, opozita, madje kreu demokrat Lulzim Basha e lidhi ekzistencën e saj, me parkun.

Gjatë nisjes së punimeve të parkut, Basha do ta cilësonte si betejën për ?jetë a vdekje? në aspektin politik, por veç dy protestave, kreu demokrat u tërhoq pa dhënë asnjë shpjegim, ndërsa Veliaj përfundoi projektin e tij. Kjo është një nga pikat e errëta, të cilat kreu demokrat të paktën duhet të sqarojë sepse kjo betejë, ashtu si edhe disa të tjera, të cilat janë konsideruar si më të rëndësishmet për ekzistencën e opozitës, u ndërprenë pa dhënë asnjë rezultat.

Në anën tjetër, Erjon Veliaj, pavarësisht akuzave të artikuluara ndaj Bashës, gjatë kohës që PS ishte në opozitë dhe kreu demokrat në Krye të Bashkisë së Tiranës, nuk ka ndërmarrë asnjë hap për të denoncuar në organin e akuzës qoftë edhe një shkelje ligjore, nga ato të cilat vetë socialistët kishin artikuluar.

Të njëjtën sjellje Basha bëri edhe ndaj paraardhësit të tij në Bashkinë e Tiranës, Kryeministrit aktual Edi Rama, i cili përgjatë 11 viteve që mbajti këtë post, u akuzua në pothuajse çdo vit për abuzimet, shkeljet ligjore me lejet e ndërtimit, përfitime personale, etj, por që i vetmi denoncim real kundër tij, është ai i Komisionit Hetimor Parlamentar të vitit 2003, i drejtuar në atë kohë nga deputeti i ndjerë Sokol Olldashi.

Dyshimet

Prej dhjetorit 2014, kohë kur në Shqipëri zhvilloi një vizitë Xhorxh Soros u hodhën dyshime mbi arritjen e një pakti mes Kryeministrit Edi Rama dhe Kreut të PD-së Lulzim Basha. Drejtuesit e dy partive zhvilluan takimet me Sorosin, i cili nuk gjeti kohën e mjaftueshme për të zhvilluar takime me politikanë të tjerë të vend, përfshirë këtu kreun e LSI-së Ilir Meta dhe ish-Kryeministrin Sali Berisha.

Nga Dhjetori i 2014 dhe deri më sot, Edi Rama në postin e Kryeministrit pati qetësinë e mjaftueshme për të qeverisur, megjithë skandalet e njëpasnjëshme që shoqëruan kabinetin e tij në 3 vitet e mandatit të parë. Opozita e drejtuar nga Basha u tregua apatike dhe përballë megaskandaleve që nisin me shëndetësinë dhe vazhdojnë me energjitikën, ekonominë, financat publike, rendin e sigurinë, dhe deri në çështjen e përgjimeve të paligjshme, apo grabitjen në pistën e aeroportit ?Nënë Tereza? të miliona eurove, PD zhvilloi jo më shumë se 3 protesta, nga të cilat dy nuk drejtoheshin kundër Ramës, por kundër Kryetarit të Kuvendit, duke krijuar përshtypjen që Basha në krye të PD-së nuk synonte rrëzimin e Qeverisë, por postin e Kryeparlamentarit.

Kjo situatë krijoi jo pak përplasje mes tij dhe ligjvënësve demokratë në mbledhjet e Grupit Parlamentar, edhe pse sa herë që ndjehej nën sulmet dhe kritikat e tyre, Basha artikulonte sulmet ndaj Qeverisë, të cilën e pagëzonte si Rama-Meta, duke shpërndarë akuzat në dy drejtuesit e koalicionit qeveritar, Kryeministrin në njërën anë dhe Kryetarin e Kuvendit në anën tjetër.

Kjo krijoi përshtypjen se Basha e kishte të vështirë të sulmonte drejtpërdrejtë Ramën, në dallim nga ish-Kryeministri Berisha, i cili në çdo debat parlamentar, pavarësisht përgjegjësive e fokusonte akuzën tek Kryeministri.

Ndryshimet në qëndrimin e mbajtur ndaj Ramës nga Basha e Berisha thelluan dyshimet për ekzistencën e një pakti të arritur pas vizitës së George Soros në Tiranë, ku siç u raportua në atë kohë multimiliarderi me origjinë hungareze, ia pati thënë në sy kreut demokrat se ndjehej i lumtur që Shqipëria kishte Kryeministër, Edi Ramën. /citynews/