“Drejtësia”/ Ilir Kulla: Zgjedhje të parakohshme nëse s’ka konsensus. Deklaratat e ambasadorëve, fyese

9 Korrik 2016, 19:10, Aktualitet CNA

Specialisti për çështjet e sigurisë, Ilir Kulla, shprehet në një intervistë për gazetën ?Standart? se zgjedhjet e parakohshme janë një zgjidhje e mirë nëse palët politike nuk arrijnë të gjejnë konsensus. Ai shprehet se më demokratike është tia lësh në dorë qytetarëve sesa të zgjidhësh këtë çështje me presione.

?Mendoj që zgjedhjet e parakohshme janë një zgjedhje shumë e mirë demokratike. Nëse palët nuk arrijnë konsensus politik, nuk e ka gjetur gjë Italinë e pas luftës që në gjithë këto vite ka ndryshuar qeveritë dhe ka bërë shpesh herë zgjidhje. Meqë nuk ka kohë për një referendum le të organizohen zgjedhje, le të shkojmë në zgjedhje. Natyrisht është më demokratike t?ja lësh në dorë qytetarëve sesa ta zgjidhësh këtë çështje me presione. Kjo klasë politike siç e zvarriti një vit procesin, besoj se do ta zvarrisë edhe një vit tjetër por në gjykimin tim, zgjedhjet do të ishin zgjidhja më e mirë, nëse palët nuk arrijnë konsensus?, tha Kulla

Më tej, Kulla shfaqet kritik ndaj deklaratave të ambasadorëve, të cilët i bëjnë thirrje opozitës për të miratuar Reformën në Drejtësi. Kulla shprehet se këto deklarata, janë fyese për një vend sovran si i yni. Sipas tij, politika e ambasadorëve jo domosdoshmërisht është politika e SHBA-ve. Ai thekson se nuk duhet pranuar me patjetër një parim që mund të jetë shkatërrues vetëm se e thonë ambasadorët.

“Unë jam apriori kritik ndaj faktit që disa diplomatë, i japin të drejtën vetës që një vendi sovran si Shqipëria, tashmë me 103 vite shtet, një vendi antar në NATO, me të drejta të barabarta,një shtet demokratik prej 25 vitesh i flasin siç i flet mësuesi një nxënësi në shkollën fillore. Kjo është shumë fyese. Sepse në këtë vend kanë ndodhur shumë dështime, por janë bërë edhe gjëra shumë të mira.Dhe këto dështime e suksese i kanë bërë këta njerëz. Politika, drejtësi, shoqëria civile, këta që jetojnë në Shqipëri. Së dyti, ambasadorët rrinë 3 vite dhe ikin. Për një arsye ose tjetër, objektive apo jo,ata priren të gabojnë për ta futur në bagazhin e suksese personale një momënt të punës dhe aktitivit të tyre. politika e ambasadorëve nuk është domosdoshmërisht politika e Shteteve të Bashkuara të Amerikës dhe e dyta: jo domosdoshmërisht përse e thotë SHBA unë duhet të pranoj një parim që për mua është shkatërrues, dhe i delegon të gjitha pushtet në një dorë?, tha Kulla gjatë intervistës