E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pas 21 Korrikut, Rama ndryshon Qeverinë/Cilët janë ministrat që rrezikojnë postet?

10 Korrik 2016, 07:34, Aktualitet CNA

Seanca parlamentare e 21 Korrikut nuk do të jetë vetëm një test përsa i takon reformës në drejtësi, por mund të pasohet edhe nga jë rikonfigurim i kabinetit qeveritar.

Burime qeveritare shprehen se Kryeministri paralelisht me angazhimin për sigurimin e votave që do të bënin të mundur miratimin e reformës në drejtësi, po sheh mundësinë për të ulur tensionet me aleatin e tij kryesor në qeverisjen e vendit, LSI-në e drejtuar nga Ilir Meta.

Për këtë duket se Rama ka menduar të pranojë ndryshimin e Qeverisë, sikundër është dakordësuar në takimin e fundit me Kryetarin e Kuvendit. Burimet theksojnë se pavarësisht fatit që do të ketë drafti i reformës në seancën e 21 Korrikut, Kreu i Qeverisë do të nisë lëvizjet në kabinet, duke marrë parasysh jo vetëm kushtet e Metës, por edhe për të vendosur balancat mes grupimeve në Partinë Socialiste.

Mësohet se pavarësisht ndryshimeve formula e përfaqësimit në Qeveri nuk do të ndryshojë, çka do të thotë se PS dhe LSI do të ndajnë të njëjtat poste.

Referuar kësaj, burimet theksojnë se për aleatët e tjerë në qeverisje, ku përfshihet edhe PDIU, nuk do të ketë poste ministrore, megjithëse një gjë e tillë është kërkuar nga drejtues të kësaj partie. Burimet theksojnë se mes emrave që pritet të lëshojnë karriget qeveritare janë Damian Gjiknuri, ministër i Energjitikës, Ilir Beqaj që mban postin e ministrit të Shëndetësisë dhe Sajmir Tahiri që mban postin e ministrit të Brendshëm. Gjithashtu pritet që Edmond Haxhinasto të lërë postin e ministrit të Transporteve.

Burimet raportojnë se në takimet e zhvilluara mes Ramës dhe Metës, Kryeparlamentari ka kërkuar riformatim të Qeverisë dhe për këtë ka vendosur edhe kushtet e tij.

Pothuajse të gjithë emrat që përfliten për të lënë detyrat janë ministra të cilët kanë pasur përplasje me Ilir Metën, ose janë përfshirë indirekt në sulmet ndaj Kreut të LSI-së.

Gjiknuri dyshohet se qëndron pas publikimit në media të dosjes CEZ, për të cilën u aludua Kreu i Kuvendit, Ilir Meta.

Sajmir Tahiri në jo pak raste është përfshirë në dyshimet se ka sulmuar Metën dhe forcën politike që drejton me synim minimizimin e rolit të saj.

Ndërkohë Edmond Haxhinasto, megjithëse ministër i propozuar nga LSI, nuk gëzon më mbështetjen e kreut të kësaj partie. Në anën tjetër Ilir Beqaj në jo pak raste ka qenë nën shënjestrën e sulmeve nga deputetë të ndryshëm të LSI-së, veç akuzave të opozitës, për shkak të politikave shëndetësore të ndjekura prej tij apo konçensioneve të dhëna në fushën e shëndetësisë.

Tre nga 4 ministrat gjithashtu janë denoncuar në organet e drejtësisë jo vetëm nga opozita, por edhe nga institucionet shtetërore, si në rastin e Gjiknurit i paditur nga KLSH apo Tahirit të paditur nga KLD.

Duket se Rama me ndryshimet e pritshme të Qeverisë do të synojë të ulë tensionet brenda koalicionit, veçanërisht me LSI-në, por do të minimizojë edhe akuzat që i vijnë nga opozita. /citynews/