web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet takimi Rama-Meta/Ok ndryshimeve në Qeveri, por jo për reformën

8 Korrik 2016, 11:47, Aktualitet CNA

Zbardhen detaje nga takimi i zhvilluar mes Kryeministrit Edi Rama dhe Kryetarit të Kuvendit, Ilir Meta. Burimet konfirmojnë për Cityneës se në takimin me kryetarin e LSI-së, kryeministri Edi Rama, njëherëz edhe Kryetar i PS-së, është shprehur i hapur për ndryshimet në Qeveri, një kerkesë e hershme e LSI-së drejtuar Kreut të Qeverisë, por duket se e ka kushtëzuar këtë me unifikimin e votave të deputetëve të LSI dhe atyre të PS-së për reformën në drejtësi.

Sipas burimeve, mësohet se Kreu i Kuvendit ka rënë dakort përsa i takon ndryshimeve në Qeveri, duke kërkuar largimin e Sajmir Tahirit nga posti i ministrit të Brendshëm dhe Edmond Haxhinaston nga posti i ministrit të Transporteve. Ndërkohë përsa i takon reformës në drejtësi, mësohet se kreu i LSI-së i ka qëndruar variantit për miratimin e draftit në përputhje me Komisionin e Venecias.

Në këtë kuadër, duket se edhe votat e LSI-së nuk do të jenë të unifikuara përsa i takon miratimit të draftit të ndryshimeve Kushtetuese dhe reformës në drejtësi, çka ulin shanset që në mungesën e një konsensusi me opozitën, të mund të sigurohet numri i nevojshëm i votave në Kuvend, pavaraësisht negociatave që po zhvillohen me disa deputetë të opozitës.

Ndërkohë një tjetër çështje e diskutuar mes Ramës dhe Metës ishte ajo e ish-deputetit Koço Kokëdhima, për të cilin dy drejtuesit e koalicionit qeveritar duket se kanë mosmarrëveshje. Kjo për faktin se pas humbjes së mandatit të deputetit, Kokëdhima, dikur mik i afërt me Ramën dhe ndër mbështetësit kryesorë të tij, është ofruar me Ilir Metën. Madje sipas burimeve, ish-deputeti i PS-së në Vlorë, duket se ka nën kontroll edhe disa ligjvënës të tjerë të Grupit socialist, të cilët në çdo moment mund të shkëputen nga PS për t?iu bashkuar partisë së drejtuar nga Ilir Meta. /citynews/





09:55 Aktualitet

Basha takon Bashën

Kryetari i Partisë Demokratike, Lulzim Basha priti në një ta...

Lajmet e fundit nga