web counter
LEXO PA REKLAMA!

SHKARKO APP

App Store
Google Play

Pse nuk mblidhet Këshilli Kombëtar i PD-së/Ja si Basha i ka marrë kompetencat forumit më të lartë politik

8 Korrik 2016, 09:05, Aktualitet CNA

Këshilli Kombëtar i Partisë Demokratike, megjithëse sipas statutit të kësaj partie, është forumi më i lartë politik, duket se nga lidershipi demokrat, konsiderohet një strukturë aspak e rëndësishme. Kjo për faktin se Këshilli Kombëtar i PD-së nuk mblidhet prej muajsh, madje kompetencat e tij, janë marrë nga Kryetari i kësaj partie.

Në pothuajse të gjitha rastet e emërimit të drejtuesve të Departamenteve, Lulzim Basha ka zgjedhur rrugën e shkurtër, atë të emërimit të drejtpërdrejtë, pa pyetur dhe mbledhur asnjë nga forumet drejtues të partisë që drejton.

Sipas statutit të PD-së, një nga kompetencat e Këshillit Kombëtar është zgjedhja me votim të fshehtë apo shkarkimi në të njëjtën formë të drejtuesve të Departamenteve.

Kjo pikë e statutit të PD-së apo kompetencë e Këshillit Kombëtar është shkelur apo i është hequr këtij forumi, ndërsa emërimet e drejtuesve të Departamenteve, në të paktën dy raste janë anashkaluar.

Statuti parashikon që drejtuesit e Departamenteve zgjidhen nga Këshilli Kombëtar me porosi të Kryetarit të PD-së, ndërsa ajo që ka ndodhur është që Basha ka propozuar dhe ka firmosur po vetë drejtuesit e Departamenteve, duke shmangur qoftë edhe formalisht mbledhjet e Këshillit Kombëtar.

Ndoshta në këndvështrimin apo mënyrën sesi funksionon PD, Këshilli Kombëtar konsiderohet thjesht si një strukturë honorifike, megjithëse sipas statutit të PD-së është forumi më i lartë drejtues mes dy Kuvendeve Kombëtare të kësaj partie. /citynews/





Lajmet e fundit nga