E fundit!

07:45 Kosova & Bota

Trump kërcënon Iranin: Do të godasim urat dhe termocentralet nëse nuk riktheheni në negociata

Presidenti i SHBA-së, Donald Trump, ka paralajmëruar Irani...

Rama emëron dy ish-drejtorët e Top Channel në krye të RTSH

8 Korrik 2016, 09:59, Aktualitet CNA

Dy ish-drejtues të televizionit Top-Channel, të cilët janë shkarkuar pak kohë më parë, janë paraqitur sot në Radio-Televizionin-Shtetëror, për të nisur punën e re.

Enkelejd Joti, ish-drejtor i Përgjithshëm në TCH, është emëruar drejtor informacioni, ndërsa Bledar Zaganjori, ish-kryeredaktor në TCH, ka nisur punë në RTSH si shef lajmesh.

Të dy u larguan nga TCH pas polemikave dhe ndarjeve që lindën mes pronarëve të këtij televizioni, ndërsa një betejë gjyqësore është në proces mes aksionarëve.

Një burim i rezervuar e informoi HashtagAL se emërimi i Jotit dhe Zaganjorit është bërë me urdhrin direkt të kryeministrit Edi Rama.

Drejtori i Përgjithshëm i RTSH-së Thoma Gëllçi, ka firmosur emërimet.

Duket se kryeministri ka ndjerë detyrime ndaj Jotit dhe Zaganjorit, për përkushtimin që ata mund të kenë treguar gjatë kohës kur punonin në TCH.

z.Rama tregoi edhe njëherë se është tepër i vëmendshëm në ndërtimin, kultivimin dhe ruajtjen e rrjetit të vetë në media, Rama ushtron ende influencë të padiskutueshme mbi dy televizionet kombëtare (TCH dhe TV Klan) të cilat zënë rreth 70 për qind të audiencës.

Ndërsa televizionin shtetëror, ai duket se ka vendosur ta përdorë si magazinë ku sistemon ndonjë problem të dalë gjatë rrugës.

Rama ka sot nën kontroll instrumentet më të mëdha të informimit në vend, por jo vetëm.

Nëpërmjet një rrjeti OJF-sh të mbështetura prej tij dhe një rrjeti artistësh dhe arkitektësh të cilët Rama i ka ushqyer prej vitesh me bienale dhe aktivitete, ai ka arritur të promovojë veten ndërkombëtarisht si një lider që po ndryshon fytyrën e Tiranës dhe të vendit.

Jashtë kufijve të Shqipërisë dihet shumë pak mbi korrupsionin, kriminalitetin dhe problemet e rënda të Ramës dhe qeverisë së tij, për shkak se kryeministri ka punuar fort me ndërtimin e një imazhi të rremë prej artisti bohem, siç i intereson atij.

Vetëm në muajin e fundit disa media ndërkombëtare e kanë përmendur atë në disa shkrime ku përshkruhej si artist modern, por në median ndërkombëtare nuk gjen dot sikur një shkrim të vetëm të shkruar në anglisht ku njoftohet afera e fundit e Ramës për shtyrjen me 10 vite e koncesionit të Bulqizës/ HAshtagAL