web counter
LEXO PA REKLAMA!

SHKARKO APP

App Store
Google Play

Skandali i Llallës/Prokurori i Përgjithshëm drekon me persona nën hetim

8 Korrik 2016, 13:34, Aktualitet CNA

Kryeprokurori Adriatik Llalla dhe ministri i Brendshëm Sajmir Tahiri kanë zhvilluar një takim në një nga lokalet në qendër të kryeqytetit, ku nga raportimet mësohet se kanë drekuar sëbashku.

Deri këtu nuk ka asnjë gjë të keqe, pasi si Llalla ashtu edhe Tahiri janë drejtues të dy institucioneve të rëndësishme, që duhet të bashkëpunojnë në luftën kundër krimit, korrupsionit dhe fenomeneve të tjera të paligjshme.

Dreka apo takimi mes tyre vjen në një kohë kur në organin e akuzës ndodhen disa dosje të rëndësishme nën hetim, si ajo e përgjimeve të paligjshme që dyshohet se janë kryer  përmes pajisjes Imsi Catcher.

Nuk dihet se për çfarë Kryeprokurori dhe ministri i Brendshëm mund të kenë biseduar mes tyre, por ndoshta mund të ketë qenë edhe një takim për të ulur përplasjet e vazhdueshme mes dy institucioneve që drejtojnë.

Por ajo që përbën një pikëpyetje është fakti se ministri i Brendshëm ndodhet nën hetim nga organi i Prokurorisë së drejtuar nga Adriatik Llalla për të paktën dy çështje, ajo e përgjimeve të paligjshme, por edhe padia e ngritur nga KLD ndaj ministrit të Brendshëm, pas akuzave që ky i fundit ka ngritur publikisht ndaj gjyqtarit Arjan Aliaj.

Referuar pozitës në të cilën ndodhet Tahiri, pra si një person nën hetim, takimi me Kryeprokurorin Adriatik Llalla, qoftë edhe në formën e një dreke, ngre pikëpyetje, të cilat të paktën duhet të marrin një përgjigje: a është zyrtarisht nën hetim ministri i Brendshëm, apo organi i akuzës ka pushuar hetimet ndaj tij, në lidhje me çështjen qoftë të përgjimeve ashtu edhe me padinë e ngritur nga KLD. Deri në sqarimin e kësaj situate për ministrin e Brendshëm, takimi mes tij dhe Kryeprokurorit, mund të përbëjë një skandal, jo të vogël! /citynews/





09:55 Aktualitet

Basha takon Bashën

Kryetari i Partisë Demokratike, Lulzim Basha priti në një ta...

Lajmet e fundit nga