E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Fjala e plotë/ Ndocaj në parlament: Nuk jemi kartona!

7 Korrik 2016, 17:08, Aktualitet CNA

Të nderuar kolegë dhe të pranishëm,

Nuk jemi kartona!

Siç e keni vërë re nuk e përdor shumë foltoren e Parlamentit, sepse ajo është keqpërdorur shumë nga ju në këto vite dhe e ka humbur simbolikën.
Ky Parlament, nga tempulli i demokracisë dhe zëri i sovranit, është kthyer falë jush në vendin e sharjeve dhe të akuzave monstruoze.
Për fat të keq ky parlament e ka humbur misionin e tij si asambleja e diskutimeve demokratike dhe miratimit të ligjeve që i duhen modernizimit të Shtetit të së Drejtës!
E kam thënë edhe herë të tjera dhe dua të ritheksojë përsëri, në këtë Parlament nuk duan deputet që mendojnë me kokën e tyre dhe përfaqësojnë sovranin, por thjeshtë kartona të eprorëve!
Në këtë Parlament askush nuk mund të trajtohet si karton, sepse para së gjithash, jemi qenie njerëzore që mendojmë në mënyrë racionale.
Unë, them publikisht se nuk e kam lejuar vetën e nuk do e lejoj kurrë të jem vetëm një karton.
Misioni im këtu është të përfaqësoj qytetarët, ata qytetarët që çdo ditë përballen me papunësinë, me varfërinë, pasigurinë dhe me shpresën e lënduar!

Reforma në Drejtësi!

Reforma në Drejtësi nuk po trajtohen në rëndësinë e saj reale juridike e politike, por për trajtohet nga palët vetëm në rëndësinë e kartonit!
Të majtët mendojnë sa kartona kanë për ta votuar e të djathtët janë të shqetësuar që ?kartonat? e tyre të mos rrëshqasin, ose e thënë shqeto të mos shiten!
Nuk jam jurist dhe nuk po hyj në detaje të reformës, por nuk duhen shumë mend me kuptuar rëndësinë dhe se si duhet të jetë reforma!
Reforma duhet të gjithë përfshirës, e drejtë dhe progresive. Çfarë do të thotë? Një reformë e këtyre përmasave nuk prek vetëm të Majtët apo të Djathtët, apo të dy palët bashkë, por prek çdo shqiptar edhe atë që është i zhgënjyer nga politika dhe ka 20 vjet që nuk voton!
Prandaj, ftoj palët të gjen formulën e përbashkët që nuk kënaq qejfet e politikë, por garanton një proces juridik në favor të forcimit të Shtetit të së Drejtës! E kam thënë dhe e them, nëse nuk arrihet konsensus unë Reformën nuk e votoj, sepse pas disa vitesh do të jemi përsëri këtu për të bërë një reformë të re nga pala që sot është e pakënaqshme!
Nëse ky Parlament nuk gjen vullnetin e përbashkët për të bërë një reformë në drejtësi në favor të shqiptarëve e jo të politikës, duhet të shpërndahet, sepse misioni i tij është i përfunduar!
Proces po aq i rëndësishëm sa reforma në drejtësi është Vota e Shqiptarëve që jetojnë jashtë!
Çdo reformë që aprovohet në një mjedis jo të shëndosh demokratik është në favor të qytetarëve, por të pushteti!

Vota e Emigrantëve!

Unë, e kam ngritur zërin dhe do e ngrejë përsëri për të bërë të mundur Votën e Shqiptarëve që jetojnë jashtë!
Prandaj, ju bëj thirrje palëve të ulen dhe të gjejnë gjuhën e përbashkët për Votën e Shqiptarëve që jetojnë jashtë!
Demokracia shqiptare pa Votën e Shqiptarëve që jetojnë jashtë është e paplotë dhe rrezikon të rrëshqasë në një oligarki të që dashuron pushtetin dhe përjashton qytetarin!
Prandaj, dua t?i them Kryeministrit që lojtarët e Kombëtares kanë nevojë për të gëzojnë të Drejtën e Votës dhe nuk kanë nevojë për Pasaportë Diplomatike, sepse ata janë ambasador të Shqipërisë!
Ne ju kemi thënë atyre Pasaportën Diplomatike dhe ju kemi mohuar të drejtën për Votuar!
Këtë e them duke e ditur se shumica e lojtarëve të Kombëtares jetojnë jashtë!

Presidenti nga populli!

Kam dëgjuar Blushin dhe Mesila Dodën për Presidentin nga Populli!
Nuk jam kundër, por mendoj se Shqipëria në këto kushte që është nuk mund të ketë një president të zgjedhur nga populli.
Në këto kushte, ne me votën e Populli nuk zgjedhim një President, por një car që do të kthehej në një diktator të përjetshëm!

Skënderbeu hero kombëtar!

Në Shqipëri tonë të dashur për fat të keq skandalet nuk kanë fund!
Do të doja shumë që në këtë vend të kishte më pak skandale, më shumë punë, mirëqenie dhe reforma!
Të gjithë ne ishim dëshmitar të skandalit me të ashtuquajtur historian turk që poshtërojë, ofendojë dhe e quajti terrorist heroin tonë kombëtar, Gjergj Kastriot Skënderbeut!
Vetëm unë dhe tre deputetë të tjerë reaguan dhe e dënuan këtë skandal të paprecedent dhe 137 deputetë të tjerë heshtën! Skënderbeu është heroi ynë kombëtar, simboli i republikës dhe ai duhet të mbrohet me çdo kusht nga institucionet shtetërore dhe nga politika!

Veriu i Shqipërisë i lënë në harresë!

Shqipëria është e shqiptarëve dhe toskë e gegë janë vëllezër.
Megjithatë, kjo nuk duhet të na ndalojë të themi disa të vërteta të mëdha!
I bëj thirrje politike shqiptare të heq dorë nga diskriminimi i Veriut dhe nga keqpërdorimi i djemve dhe vajzave të Veriut!
Ata nuk mund të jenë kurban i politikës sa herë kjo e fundit duhet të bëj sikur po bën diçka!
Reforma në Drejtësi apo çdo reformë tjetër nuk duhet të jetë vetëm për Veriorët, por për çdo qytetarë të Shqipërisë!
Po ashtu i bëj thirrje Qeverisë që të rris investimet në Veri, të merret seriozisht me Rrugën e Arbërit që tashmë është kthyer një teatër kundër dibranëve!
Të investohet, të modernizohet Porti i Shëngjinit, sepse është një burim i rëndësishëm i zhvillimit ekonomik kombëtar!
Të mbarohet dhe të vihet në punë aeroporti i Kukësit!
Të përfundoj dhe të plotësohet Rruga e Kombit!
Të bëhen investime për minierat e Mirditës dhe Bulqizës!
Të shpërblehen pronarët kukësian të përmbytur nga liqeni i Firzës!
Të ndërtohet autostrada Shkodër Tiranë!
Çdo politikë apo qeveri që diskriminon Veriun është antikombëtare dhe duhet të marr përgjigjen e merituar politike!