web counter
LEXO PA REKLAMA!

SHKARKO APP

App Store
Google Play

E fundit!

x

Sopranoja shqiptare që emocionoi publikun bullgar me “La Traviata”

7 Korrik 2016, 14:29, Aktualitet CNA

Duartrokitje të gjata, lot, lule dhe përshëndetje nga publiku. Violeta e Ramona Tullumanit në skenën e Teatrit të Operas në Sofje ishte një sukses.

Fati tragjik i Violetës në interpretimin e Tullumanit, tingujt e Verdit dhe zëri i sopranos shqiptare emocionoi publikun bullgar, i cili nuk mungoi të dhurojë një duartrokitje të gjatë dhe shumë vlerësime.

?Shqiptarja e bukur?, siç e cilësoi shtypi vendas, i dhuroi publikut një emocion të gjatë dhe të fortë. Dhe salla e mbushur plot e Teatrit 125-vjeçar të Sofjes e shpërbleu lodhjen dhe punën e sopranos me duartrokitje e ovacione.

?Momenti që aq shumë e kisha ëndërruar?, u shpreh Tullumani pas shfaqjes. Sopranoja shqiptare vlerësoi bashkëpunimin me Operan e Sofjes dhe ftesën për të interpretuar në këtë vit jubilar, siç është ai i 125-vjetorit të krijimit të këtij teatri.13608079_10153956001473172_1134490078_n

?La Traviata? mbetet në këtë mënyrë një ndër armët më të forta të Tullumanit, Violeta e së cilës ofroi emocion, ankth, dhimbje dhe dashuri.

Në më tepër se 3 orët e shfaqjes, publiku u shfaq i etur për të dëgjuar dhe parë, një zë të bukur dhe një interpretim të veçantë. Një Violetë që vinte nga Shqipëria, por që ishte po aq e ëmbël dhe e dashur për çdo dashamirës dhe shijues së muzikës klasike.

Ramona Tullumani erdhi në interpretimin e Violeta Valerisë në operan ?La Traviata? në Sofje, pas suksesit në Teatrin ?Politeama? të Leçes (Itali) në muajin prill, me operan ?Rigoletto?. Një vit më parë, ajo interpretoi në Operan e Sofjes rolin e Lauretës në operën ?Xhani Skiki? (Gianni Schicchi)





Lajmet e fundit nga