E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

Në verë më mirë konsumoni këto pije

6 Korrik 2016, 18:01, Lifestyle CNA

Në verë nuk mund të pijmë çdo lloj pije pasi do të kishim më tepër etje. Një pije që duhet të jetë e pandashëme gjatë verës, është uji pasi zëvendëson bindshëm çdo pije tjetër. Mbase mund të çuditeni por çaji i ngrohtë sugjerohet të konsumohet në verë pasi hidraton më tepër, ndërsa Coca- Cola është më mirë të evitohet

Uji vetëm natyral

Në ditët e nxehta të verës uji mbetet pija e parë që duhet konsumuar. Sa më shumë ujë të konsumoni në ditë aq më mirë do të ndiheni gjatë ditës. E këshillueshme nga dietologët është një litër e gjysmë në ditë, por nëse do të konsumonit më tepër se kaq do të bënit shumë mirë. Nëse dilni gjatë ditës, është mirë të merrni ujë me vete pasi ju ndihmon të hidratoheni dhe të ndiheni më të lirshëm. Por kujdes, pini ujë natyral dhe jo të gazuar.

Lëngje frutash

Ato që e zëvendësojnë ujin janë sigurisht frutat. Konsumoni sa më tepër të tilla. Nëse do merrnit lëngun e tyre në formë të shtrydhur do të ishte një zgjedhje më e mirë për trupin tuaj, i cili në ditë të tilla ka vërtet nevojë për lëngje. Më e këshillueshme është të konsumoni lëngje të bëra vetë sepse lëngjet e gatshme kanë përmbajtje të lartë sheqeri. Lëngjet duhet të kenë sa më pak sheqer, sepse vetëm kështu nuk do të keni etje.

Çaji, edhe i ngrohtë

Çaji është një tjetër pije që duhet konsumuar në ditë të nxehta. Zakonisht në verë preferojmë që pijet ti shoqërojmë me akull ose të jenë të ftohta. Por në fakt akulli nuk i bën mirë organizmit i cili është i djersitur. Nëse do të konsumonit çaj të ngrohtë trupi juaj do të hidratohej më lehtë dhe do të ndiheshit më i freskët. Nëse nuk iu pëlqen i tillë mund ta pini edhe të freskët por jo me akull.

Kola, më mirë jo

Refuzoni pijet me gaz sepse nuk i bëjnë mirë organizmit. Duket sikur të largojnë etjen por në fakt e shtojnë më tepër atë. Një prej tyre është edhe Coca-Cola e cila ka në përbërje të saj shumë gaz dhe sheqer, pikërsht dy prej elementëve që nuk i bëjnë mirë trupit në ditë të nxehta.

Një birrë po
Nga ana tjetër birra është pija që edhe pse ka një përqindje të vogël alkooli këshillohet të konsumohet. Një gotë birrë në ditë është më se e këshillueshme edhe nga shumë dietologë. Ajo forcon kockat, përmirëson metabolizmin, sistemin imunitar dhe për më tepër të freskon dhe largon etjen. Një gotë birrë mund të shijohet mjaft mire, sidomos në vaktin e drekës e shoqëruar me pjatën tuaj.