Si të parandalojmë disa nga sëmundjet më të hasura gjatë verës

5 Korrik 2016, 17:00, Lifestyle CNA

Vera është stina që preferojmë të gjithë, duke sjellë në memorje pushimet, plazhin, diellin, relaksin… Por çdo e mirë ka edhe një të keqe. Bashkë me vapën vijnë shumë patologji. Kërkues e shkencëtarë të mjekësisë kanë studiuar rastet e sëmundjeve tipike që shfaqen përgjatë stinës më të nxehtë të cilat përkeqësohen më së shumti nga ekspozimi në diell dhe lidhen me lëkurën, zemrën, tensionin, etj.

Ne ju sjellim një listë të plotë të tyre në mënyrë që të tregoni më shumë kujdes për shëndetin tuaj në këtë stinë.

Temperaturat e larta e thajnë ajrin dhe e ashpërsojnë atë duke e vështirësuar frymëmarrjen tek ata që janë astmatike. Kështu që kujdesuni këtë verë të mbajini fëmijët në vende të ajrosura mirë, të eliminoni lagështirën dhe ambientet e pa ajrosura mirë dhe me myk, të shmangni sterilitetin e tepruar tek fëmijët si dhe ekspozimin ndaj poleneve të luleve.

Dehidratimi i organizmit ndodh atëherë kur trupi nuk merr lëngje të mjaftueshme. Për të luftuar dehidratimin në kohë të ngrohtë mbi të gjitha duhet të pini shumë ujë. Pijet e tjera, si pijet e ngrohta, kafeja, ose pijet që përmbajnë alkool nuk e zëvendësojnë ujin.

-Shmangni diellin në mesin e ditës

-Vini një krem mbrojtës ndaj diellit dhe një kapele

-Vishni rroba të lehta

-Shmangni rrobat e errëta, pasi ato thithin më shumë nxehtësi

Tensioni i lartë i gjakut është një sëmundje, që bëhet mjaft serioze gjatë stinës së verës. Me rritjen e temperaturës, sistemi kardiovaskular është i pari që preket, pasi aorta dhe venat e tjera ngushtohen dhe shkaktojnë probleme me shëndetin. Prandaj mundohuni të humbisni peshën e tepërt, të shëtisni, të lini duhanin, hani sa më shumë fruta dhe zarzavate dhe qëndroni në vende të freskëta.

Gjendja e të fiktit karakterizohet nga humbja e papritur e vetëdijes. Për ta parandaluar këtë gjendje duhet të evitoni daljet në orët e pikut, të përdorni lëngje dhe duhet të eliminohen yndyrat tek ushqimet si dhe të konsumohen perimet

Në këtë stinë shtohen rastet e helmimeve ushqimore. Pasojat janë dehidrim deri në toksikacione të shkallës së rëndë, shpesh serioze dhe për jetën e pacientit. Mbrojtja më e rëndësishme për këtë rast është higjiena vetjake. Duhet të tregohet mjaft kujdes në restorante, fast-foode dhe në konsumimin apo përgatitjen e prodhimeve të detit./citynews