Erion Veliaj i jep markatën 10 mijë metër katrorë Irfan Hysenbelliut

6 Korrik 2016, 19:28, Aktualitet CNA

Me një vendim të Këshillit Bashkiak, në mënyrë të shpejtë dhe të menjëhershme është miratuar markata prej 10 mijë metra katrorë që do ndërtohet në njësinë administrative 3 dhe 4.

Ndërtimi i kësaj markate ka patur një reagim të ashpër dhe të fortë nga pronarët e truallit përrreth objektit dhe të vetë objektit të quajtur Galenteria, një godinë e cila është në pronësi shtetërore.

Pronarët e truallit kanë kërkuar disa herë në bazë të vendimeve të gjykatave dhe të Komisionit të Pronave që të jenë bashkëpunëtorë me Bashkinë e Tiranës për të ndërtuar dhe për të përfituar ky institucion çerdhe, kopshte, shkolla dhe ambjente në shërbim të saj por bashkia e Tiranës disa herë ka qenë në diskutime e sipër për të zgjidhur këtë çështje. Por duke shmangur në mënyrë të njëanshme pronarët sot Këshilli Bashkiak u kalua në vendim që nuk jua jep atyre përdorimin e tokës së cilës janë pronarë, por ja jep biznesmenit, ndërtuesit dhe pronarit të disa mediave, Irfan Hysenbelliut.

Pronarët e kanë kundërshtuar ashpër këtë vendim dhe kanë thënë se çështjen do t?a çojnë në Gjykatën e Strazburgut dhe kjo do t?i sjellë shtetit një dëm prej dhjetra miliona euro, ndërkohë që vendimi sot është marrë, ku siç duket më poshtë mund të lexoni edhe projektin e këtij vendimi.

Tashmë ndodhemi para një fakti. Erion Veliaj çon Bashkinë e Tiranës me një tjetër çështje në Gjykatën e Strazburgut sepse pronarët janë të bindur se ata janë në drejtë të tyre dhe se Strazburgu do t?iu japë atyre para, pra dëmshpërblimin që ia mohoi Bashkia e Tiranës duke iu mohuar bashkëpunimin. Nga ana tjetër ajo që vihet re është se do ndërtohet një markatë nga një biznes, por pronarët e vërtetë nuk përfitojnë asgjë. Ata shmangen nga Bashkia në mënyrë të njëanshme. Vendimi i jep një tjetër botuesi mediash ?dhuratë? e cila kushton jo pak me një vendim dhjetra miliona euro

Bashkia e Tiranës edhe njëherë tregon se me vendimet e saj krejtësisht të dyshimta po bën blerjen e medias për ta vënë atë në shërbim gjatë fushatave elektorale.

Rasti i Veliajt është rasti më flagrant në marrëdhënie me Irfan Hysenbellun e cila fillon me semaforin tek unaza pranë Shkollës Harry Fultz dhe nuk ka përfunduar ende, pasi markata e Tiranës tek njësitë administrative 3 dhe 4 ndoshta është fillimi i ?dhuratave? të tjera që do të përfitojë Irfan Hysenbelliu nga shërbimet mediatike që do i bëjë Erion Veliajt, Bashkisë së Tiranës por pa përjashtuar këtu edhe Kryeministrin Edi Rama./citynews

10-page-001 10-page-002 10-page-003 10-page-004 10-page-005 10-page-006 10-page-007 10-page-008 10-page-009 10-page-010 10-page-011 10-page-012 10-page-013 10-page-014 10-page-015 10-page-016 10-page-017 10-page-018 10-page-019 10-page-020 10-page-021 10-page-022 10-page-023 10-page-024 10-page-025 10-page-026